Carta decimarum de Nullis.

Noverint universi, quod nos Pontius, Dei gratia episcopus dertusensis, et Guillermus, prior, et totum capitulum ecclesie dertusensis, per nos et successores nostros, cum hoc presenti instrumento plenarie valituro; attendentes amorem, affectum, et bonam voluntatem quam vos, nobilis Guillermus de Montecatano erga nos et ecclesiam nostram habetis et cotidie ostenditis per effectum, removendo inimicis crucis Christi de locis qui olim tenuerunt diucius occupata, et inducendo ac populando ibidem christianos ad honorem Dei et tocius christianitatis; volentes in persona vestra facere gratiam specialem, damus et concedimus vobis, in beneficium personale, illam medietatem decimarum omnium castri de Nublis et terminorum suorum, quam vobis et ecclesie nostre retinuimus in donatione quam vobis de dicta medietate fecimus, sicut in instrumento inde confecto plenius continetur.

Predictam autem medietatem decimarum vobis damus et concedimus toto tempore vite vestre, quod eam habeatis, percipiatis, teneatis et possideatis pro nobis et ecclesia nostra.

Post obitum vero vestrum, in continenti ad nos et ecclesiam nostram, sine omnis exceptione et alique conditione libere revertatur medietas decimarum predicta.

Damus etiam vobis, remitimus et diffinimus omnes decimas quos usque ad hodiernum diem de predicto castro et terminis suis habuistis et percepistis quoquomodo; ita quod racione perceptionis earundem decimarum, vos et vestros nunquam possimus inquietare, nec contra vos movere aliquam questionem.

Quod est actum XIII kalendas marcii anno Domini Mº CCº quinquagessimo.

Ego Poncius, dertusensis episcopus subscribo.

Sig+num G. Poncius.

Ego Laurentius, prior claustralis, subscribo +

Sig+num Dominici dertusensis, hospitalarii.

Ego Poncius de Ulmo, infirmarius Dertuse, subscribo.

Sig+num Bernardi, precentoris Dertuse.

Sig+num Arnaldi, sacriste Dertuse.

Sig+num Guillermi de Tamarito, canonici Dertuse.

Sig+num Raymundi de Taliata, dertusensis canonici.

Sig+num Petri de Podio, dertusensis camerarii.

Sig+num Guillermi de Montecatano.

Sig+num Petri de Tamarito, notarii Dertuse, qui hoc scripsit et signum sacriste predicti mandato ipsius fecit, die et anno prenotatis.