In Dei nomine.

Notum sit cunctis quod ego, Petrus Fernandez de Azagra, vassallus Sancte Marie et dominus de Alvarrazin, cupiens intrare Hispaniam contra sarracenos, in mea plena sanitate facio meum testamentum, presentibus fratre Dominico, abbate de Petra, et Petro Fernandez de Azagra, fratre meo.

Et primo dimitto Petro Fernandez, filio meo, castrum de Altura cum omnibus pertinentiis suis et jurisdictionibus mihi pertinentibus.

Item, dimito Garcia Ortiz, filio meo, castrum meum de Moya, similiter cum omnibus pertinentiis et jurisdictionibus mihi competentibus.

Item, dimito Fernando Petri, filio meo, domum et totam hereditatem quam habeo in civitate Valencie et in termino eiusdem, et duo millia marabetinos alfonsinos.

Item, domito domine Theresse Perez, filie mee, tria milia morabetinos de paga de Castella.

Item dimito, secundus dominus de Alvarrazin, Alvaro Perez de Azagra, primogenito filio meo, castrum et villam Sancte Marie de Albarrazin, cum omnibus suis villis, alcheriis, furnia, molendinia, et aquis et omnibus jurisdictionibus suis, et Chelvam, et castrum de Tuexa, cum omnibus pertinentiis et terminis et dominationibus dictorum castrorum, in quibus heredem meum instituo; et quod teneatur solvere Fernando Petri, filio meo, illos duo millia marabetinos quos ego eidem legavi, et domine Teresse Perez, filie mee, alios tria milia marabetinos quos eidem superius dimissi.

Item, teneatur solvere monasterio de Petra, totum quantum dedi et legavi [in] aliis cartis et testamentis ratione corporis sepulture mee, quod testamentum sepulture mee eidem monasterio de Petra confirmo.

Item, volo quod fratres de Ucles teneant omnes filios meos et omnia castra mea, usque dum dicti filii mei sint etate viginti annorum, et interim de redditibus dictorum castrorum solvant omnia mea debita manifesta, cum cartis et sine cartis; et injurias meas manifestas restituant.

Item, volo et mando, quod castrum de Moya quitetur de omnibus redditibus predictorum meorum castrorum.

Actum est hoc quarto nonas aprilis anno Dominice 1241 [sic].

Sig+num domini Petri Fernandez de Azagra, vassalli Sancte Marie et domini de Albarrazin, qui hoc laudo, firmo, et concedo, et sigillo munitum roboro.

Sig+num Sancii Fernandez de Azagra. Sig+num Blasqui. Sig+num Fortunii.

Guillermus Gaucerandi, publicus notarius Valencie hec scripsi.