In Christi nomine et eius gratia. Amen.

Pateat universis presentibus pariter et futuris, quod nos Raymundus de Ribosico, dominus castri et baronie de Rebollet et ville de Oliva, ac etiam castri et thinentie de Villamalur in regno Valentie; attendentes nos emisse noviter a domino nostro rege, seu ad eius districtum et judicium, ad instanciam creditorum prenominata castrum et baroniam de Rebollet ad villa de Oliva, cum omnibus eorum terminis, iuribus et pertinenciis, in encanto publico, magno precio scilicet per sexcentis viginti mille solidis regalium Valentie, ut continetur latius in publicis instrumentis nostri huiusmodi emtionibus, ad solutionem cuiusquidem pretii ullatenus comode suficere non valemus, nisi per vinditionem bonorum et iurium nostrorum, et inter alia scriptorum, attenta summa tante pretiii memorate, ideo ex causa tam perutilis et notabilis emptionis predicte, et pro faciendo complemento solutionis pretii eiusdem, cum hoc presenti publico instrumento perpetuus temporibus valituro, gratis, scienter adque deliberate, per nos et omnes nostros perpetuo successores, presentes adque futuros, titulo pure, perfecte, legitime ac irrevocabilis venditionis, vendimus et concedimus, ac in perpetuum vobis honorabili Francisco Sansii Munionis, militi habitatori civitatis Turoli presenti, ementi, et acceptanti, et vestris ac quibus volueritis pro vestro libero, franco et quitio alodio, ac ab omni honore debitorum, et quorumcumque vinculorum exactionum et obligationum quocumque nomine nominentur penitus liberato, exhonerato, expeditoque, castrum prenominatum de Villamalur situm intra regnum Valentie, cum omni thenentia sua, ac cum locis dive alchareis de la Pobla Ayoder, Fontes, Torralva, et de Berniches, sitis intra terminum castri prefati ac eius thinentiam, cum fortalitiis, turribus, castris, defensionibus, tam in ruppibus quam in planis, in predictis castro, locis, seu alchareis, positis, sitis et constructis, et cum barbacanis, domibus, edifitiis intra castra, loca, et alchereas prenominatas, factis et constructis, seu de cetero fientis, et etiam ubilibet inibi construendis. Et cum montibus, montaneis, portibus, intratis, vallibus, planis, silvis, pratis, paschuis, peixeris, pesqueriis, neboribus, venationibus, fontibus, puteis, aquis dulcibus et salsis, aquarum ductibus et reductibus, molendinis, furnis, ma[s]eris, tabernis, peitis, questiis, lenis, demandis, herbagiis, carnagiis, çofris, morabatino, almagranis, alfardis, servitiis, adempribis, decimis, colectis, exactionibus, penis, caloniis civilibus et criminalibus, atque militis. Et cum bladiis grosis et minutis, viniis, campis, hortis, terris cultis, et incultis, heremis et populatis, arboribus et plantis fructiferis et infructiferis, natis et nacituriis, garrigiis, pasagiis, assutis, canalibus, hoste et cabalcata, et eorum redemptione, et cum omnibus mansis, casatis, mansatis, devesis publicis et separatis, alchareis, hereditamentis intra terminos prefati castri et ipsius thenentie positis, et edificatis in posterum, hedificandis et construendis, et cum omnibus hominibus et feminis christianis pariter et sarracenis ibi habitantibus et habitaturis, et cum mero et mixto imperio et omni jurisdictione domino, et potestate civili et criminali et exercicio eorundem, et cum omnibus et singulis exhibitus, proventibus, redditibus, fructibus, sdebeniventis, universisque aliis iuribus, proprietatibus, integritatibus, terminis et pertinentiis nobis et nostris in predicto castro de Villamalur, locis et alchareis thinentie eiusdem melius et plenius pertinentibus, et competentibus et pertinere debentibus, quovis modo, iure, titulo, vel eorum ratione, prout prenominatum castrum cum eius popula de Villamalur terminatur et confrontatur in universis, cum locibus et alchareis prenominatis de termino eiusdem castri, cum termino de Fansara, et cum termino de Spadella, et cum termino de Sirat, et cum castro del Tormo, et cum termino de Matet, et cum termino de almonasir, cum termino de Xinquer, et cum termino de Suera.

Predictorum itaque castrum ac thinentiam de Villamalur vendimus vobis, et vestris perpetuo, ut prefertur, cum omnibus locis, alchareis, mansis, casatis, mansatis, ac hereditamentis termini castri et thinentie prenominatarum, francum et liberum alodium, ut est dictum, cum introitibus, exitibus, aquis, cequis ad rigandum, afrontationibus et melioramentis cunctisque suis iuribus, et pertinentiis universis, et cum omnibus iuribus, locis, vocibus, rationibus, et actionibus realibus et personalibus, utilibus et directis, variis, mixtis, et aliis quibuscumque de quibus ex cum presentis venditionis facimus vobis et vestris cessionem, et concessionem plene, libere, integre, et absolute, et quibus possitis uti, agere, et experiri, agendo, conveniendo, ponendo, apponendo, et omnia alia faciendo in curiam et extra curiam, quecumque et quemadmodum facere nos possemus ante presentem venditionem et iurium nostrorum predictorum, cessiones et concessionem, ac nunc vel postea quemcumque prout melius dici, scribi, et intelligi potest, ad vestri et vestrorum bonum et sanun intelectum, et perpetuum salvamentum, omni conditione, retentione et exeptione repulsa, instituentes inde vos et vestros in predictis veros dominos, et potentes, ut in rem vestram propriam, vosque in locum et ius nostrum ex nunc ponentes, et perpetuo nominantes. Ad dandum, vendendum, alienandum, obligandum, permutandum, excomutandum, et ad omnes vestras vestrorumque voluntates pro hemere faciendum, prout quilibet de re sua propria facere potest et debet de iure, foro, ussu, seu alio quovis modo.

Pretio centum octuaginta milium solidorum dicte monete regalium Valentie, quos omnes a vobis habuisse, ac recipisse integre confitemur, et inde nos a vobis bene paccatos, et contentos fatemur, ad meram et liberam voluntatem nostram.

Et ideo renunciamus omni exceptioni presentium venditionis per nos vobis non facte dictique pretii a vobis non habiti, non numerati, et non recepti, et doli, mali, et actioni, in factum.

Et beneficio minoris pretii, et duplicis deceptionis legique ac foro quibus deceptis ultra dimidium iusti pretii subvenitu et omni alii quilibet iuri, seu legi contra hec aliquatenus venienti, dantes, et remitentes vobis et vestris donationem pura perfecta, et irrevocabili inter vivos siquid, et quit quid hec venditio amplius modo vale aut valebit seu valere poterit in posterum pretio antedicto, et de presenti constituhimus nos predicta, pro nobis presenti vendimus pro vobis, et nomine vestro precario vel quasi tenere et posidere donec de ipsis plenam, liberam, et vacuam posessionem, vel quasi aprehenderitis quam liceat vobis aprendere propria authoritate vestra, et aprehensam licere retinere nostri vel curie seu alterius iudicis ordinari alia authoritate seu licencia in hihis minime espectata seu etiam requisita.

Predicta ergo omnia et singula que vobis cum presenti vendimus, et titulo huius perpetuo venditionis concedimus, cum omnibus suis pertinentiis, et iuribus, ut est dictum, cassamus et exercimus de nostro et nostrorum posse et domino proprietate et posessione eaque omnia in vestri et vestrorum posse ius dictam proprietatem et possessionem vel quasi mittimus, et transferimus irrevocabiliter pleno iure absque aliqua ut prediximus retentione, conditione, et exeptione, quam non facmus, nec facere intendimus quomodolibet in eisdem pleno iure.

Absolventes ex tunc serie huius presentis publici instrumenti perpetuo valeturi, venerabilem Franciscum de Tolsano, alcaydum, et procuratorem nostrum in dicto castro de Vilamalur, et eius thinentiam et quemcumque eius substitutum vel substitutos, et omnes et singulos omines vassalos nostros in prefato castro, et locis, sive alchareis thinentiae ipsius populatis, sive degentibus, presentibus et futuris, cuiuslibet legis, sexus, etatis et conditionis existant, et ab homni fide sacramento fidelitate, naturalitate ac omagio, et ab omni nexu vel obligatione quibus seu pro quibus nobis ut eorum domino naturali tenentur vel sint astricti de foro, iure, vel etiam ratione quemcumque.

Et mandantes exprese ac de certa scientia, cum hoc eodem presenti publico instrumento vicem epistole et mandati in hac parte gerenti predicto, alcaydo ac universis et singulis hominibus et vassalis castri iam dicti, et eius thinentie, qui nunc sunt et pro tempore fuerint, quod a modo vos predictum honorabilem Franciscum Santii Munionis, emptorem prenominatum, et quem vel quos volueritis habant, et teneant pro eorum vero, et legitimo, ac proprietario domino dicto naturali vobisque in omnibus et per omnia ac vestris in his successoribus pareant, obediant, et atendant, ac respondeant de redditibus, fructibus, proventibus, et aliis iuribus, emolumentos, et proventibus antedictis integre et absque diminutione quemcumque, vobisque aut cui mandaveritis faciant iuramentum, et homagium fidelitatis, et naturalitatis, quorum virtute vos a modo atque vestros, et non nos, neque nostros pro eorum veris et naturalibus dominis habeant ipsosque sentiant et habeant in pro vassallis, et hominibus vestris, a modo in omnibus nobisque obediant et servent in eorum dominum prout astricti et obligati sunt de foro, iure, et bona ratione.

Promitentes et convenientes, in nostra bona fide per firmam et solemnem stipulationem et pactum speciale et expressum hic inter nos appositum in posse infrascripti notarii, tamquam publici persone,hec a nobis pro vobis et omnibus aliis, quorum interest, vel poterit intererit recipientis, et stipulantis quod non movevimus, faciemus, aut inferi consentiemus contra vos vel vestros ullo unquam tempore aliquam questionem, petitionem vel demandam aut controversiam de iure vel de facto in iudicio vel extra in predictis quem vobis vendimus ratione utilitatis contentus vel dicti pretii in utilitatem seu vertitatem nostram non conversi vel alia quacumque ratione vel causa, immo predictam venditionem cum omnibus suis iuribus et melioramentis factis, et fiendis, vobis facere, habere, et posidere, quiete, potenter, et in pace, contra omnes personas ad forum Valentie, et tenebimur et teneri volumus perpetuo vobis et vestris de firma et legali guirentia et evictione huius venditionis et de omni damno et etiam interesse.

Itaquod si forte aliquo tempore in totum vel in partem huius venditioni aut ratione ipsius ab aliquo vel aliquibus de iure vel de facto questio aliqua controversia, demanda, vel lis contra vos, vel vestros, fieri vel moveretur aut fieri vel moveri adtemptaretur tam per libelli oblationem, quam alio quovis modo ordinarie vel extraordinarie vi majoris, mediocris, vel minoris.

Promitimus nos aut vos in principio litis, nos opponere et onus litigii in nos suscipere et ipsas causas nostris propriis expensis ducere et tractare pro vobis tantum et tandiu donec per difinitivam sententiam, et qua non est licitum appelare fuerint fine debito terminare, sic quod de dicta vestra emptione et quemvis ipsius parte sine aliquem diminutionem vos et vestri sitis semper securi et sine aliquo damno vestro, vel vos si volueritis per vos aut procuratorem vestrum positis dictas causas et questiones ducere vobis et vestris super hoc electione servata.

Remitentes vobis et vestris predictum speciali pactum, ius, et authoritatem denuntiandi, appellandi, et appelationis prosequendi, et postea si opus fuerit supplicandi, non obstanti foro Valentie volenti quod emptor antequam res ei evincatur habeat denuntiare venditori causam vel causas illi motas super re empta, quem dicto foro et omni alii foro, iuri, vel privilegio disponentibus ipsam intimationem, denuntiationem, appelationem, et ipsarum prosecutionem, et supplicationem deberi omnino fieri et aliis et contra predicta venientibus quovis modo.

Renuntiamus scienter et exprese predictum speciale pactum, et si vos vel vestri dictas causas et questiones per vos vel procuratorem vestrum ducere eligeritis, et super evictione predicta pronunciare contigerit contra vos vel vestros, et pro his missiones aliquas seu expensas feceritis aut damna aliqua gravamina vel interese substinueritis, aut aliquid a vobis evictum, diminutum seu ablatum fuerit de dicta vestra emptione totum illud quantumcumque sit vel fuerit vobis, et vestris integriter solvere et emendare promitimus vestre voluntate.

Volentes et concedentes vobis et vestris predictum pactum, quod non possimus dicere, seu alegare modo aliquo quod facta sit vel fuerit vobis et vestris, et inde nobis et nostris injuria, vel injustitia, si dicta vestra emptio in toto vel in parte fuerit evicta, diminuta, seu ablata, de facto sine petitione et cognitione omni judicio, aut quod fuerit evicta, diminuta, seu ablata culpa, desidia, contumasia vestri vel vestrorum, aut justitia,inperitia, judicis advocati, seu procuratoris, seu alio quomodocumque, immo si contra vos vel vestros in judicis latta fuerit sententia, quod dicta vestra emptione totum illud ad integrum quitquid et quantumcumque evictum fuerit seu diminutum de venditione predicta, totum illud vobis et vestris in continente restituere, solvere, et emendare promitimus voluntate vestra, una cum omnibus damnis et misionibus sive obtinantis, sive subcubantis in causis super quibusquidem damnis et misionibus credatur vobis, et vestris, solo vestro sacramento quod nunc pro tunc, et contra vobis et vestris deferimus et habeatur pro delato, per pactum predictum, sine testibus et alia aprobatione.

Renuntiantes quo ad hec legi dicente delationem juramenti posse de iure revocari alterius ex dicto pacto, firma, et solemni stipulacione.

Volumus et concedimus quod ad satisfactionem solutionem et emendam omnium, et singulorum predictorum in tamen emtionis ut predicitur integre fiendam, proceditur et posse procedi contra nos et bona nostra presentia, et futura, per quemcumque judicem volueritis, et fiat executio et vendicio et de omnibus et singulis bonis, et iuribus nostris movilibus, et inmovilibus, privilegiatis et non privilegiatis, licitis et proivitis, intus et extra domus sistentibus, sine aliqua libelli oblatione litis contestatione processu solemni legitima subastatione et alia solemnitate judiciaria, sed de facto et realiter sola demonstratione huius presentis publici instrumenti, quod volumus valere, et optinere vim confessionis facta in judicio aut sententia difinitiva in rem finitam et judicatam penitus transacte a qua non est ulterius appelandum.

Nos enim, venditor, certificati ad plenum de omni iure nostro, renunciamus scienter in favorem vestri et vestrorum libelli poblationem littis contestationi omnique proferimento iuris, et fori, et cuicumque dilationi, escusationi, exeptioni, recursui appelationi, gratis elongamentis, supersedimentis, provisionibus, inhibitionibus, mandatis, precibus, inductionibus, vel cominationibus, verbo vel scripto specialibus et generalibus domini regis et cuiuscumque alterius persone potentis, ecclesiastice vel secularis, concessis et concedendis etiam proprio motu aut in favorem aut utilitatem domini regis, et sua rei publice, omnibusque aliis foris, iuribus, privilegiis, auxilis, consitutionibus et consuetudinibus contra hec venientibus quovis modo, et iuri etiam dicenti generalem renuntiationem non valere nisi precedat speciales.

Et pro premissis omnibus et singulis supradictis obligamus scienter et gratis vobis et vestris successoribus ad in perpetuum, nos et omnia bona nostra movilia et inmovilia ubique habita et habenda in speciali castrum et baroniam de Rebolleto et villa de Oliva.

Volentes demum et vobis et vestris exprese consentientes et concedentes, per dictum pactum, quod si quam sunt in presenti instrumento apponita, quam per cabillationem alicuius peritie persone aut aliquam iuris vel fori sutilitatem, damnum, vel incomodum, super et in predictis vobis affere videantur, vel videre possit, pro non appositis vel expresis, in presenti injuria videantur obstera, veo vel ambigua si qua sunt vestro vestrorumque volumptate, declaratione et arbitrio ducimus presentis serie declaranda.

Et nos Castellana de Villanova, uxor prefati nobilis Raymundi de Rivosico, venditoris, qui supra scientes, huiusmodi venditionem prefactam vobis prenominati honorabili francisco Santii Munionis, de voluntate, consensu ac scientia nostris, huiusmodi vestram emptionem et omnia et singula in presenti instrumento contenta laudamus, concedimus, et firmamus vobis, dicto emptori et vestris, perpetuo, ac in ipsa quantum tangat seu rem videatur nostrum assensu et consensu nostrum apponi iussimus per notarium infrascriptum, jurantes ad dominum Deum et eius sancta evangelia per nos tacta, nos contra predicta non facere venire aliquo casu, causa, vel ratione, sub cuius juramenti et vinculo supradicti renuntiamus doti et sponsalicio nostro aut hypotecarum nostrarum, et senatus consulti veleyani beneficio, et omni alii cuilibet iuri pro quo contra predicta facere posit vel venire.

Et ad majorem vestri dicti emptoris securitatem et uberiorem cautionem nos, Raymunda de Rivosico, uxor nobilis viri Petri de Centelles, domini onoris et baronie de Nules, sororque prefati nobilis Raymundi de Rivosico, venditoris superius narrati, et Gilabertus de Centellas, filius predictorum nobilium, conjugem, scientes omnia bona prefati nobilis venditoris fratris ut promissum est, nostre dicte Raymunde nobis, et nobis dicto Gilaberto ac reliquis natis ex nobis dicta Raymunda a predicto nobili viro nostro fore per substitutionem appositam in ultimo testamento nobilis viri domini Raymundi de Rivosico quondam patris nostre, iamdicte Raymunde ac predicti etiam nobilis venditoris post sui obitum absque tamen liberis suis legitimis nobis vinculata et obligata quamcumque tangit vel consentire videatur fore damnum, prejudicium et interese nostrum a presens vel in posterum venditio huiusmodi de prefatis castro et thinentia de Villamalur, ipsam venditionem et omnia et singula in presenti instrumento apposita contenta et declarata, cumsuis iuribus universis, vobis prenominato emptori presenti stipulanti, et recipienti, et vestris perpetuo, de voluntate, asensu et fima predicti nobilis veri nostre dicte Raymunde confirmamus, aprobamus, concedimus et laudamus, ac in eis consentimus iuri cuicumque nobis dictis domne Raymunde et Gilaberto seu nostrum cuilibet in dicto castro et thinentia de Villamalur competenti seu in posterum competituro, ex causa prenominate substitutionis vel alias qualitercumque per pactum solemni et validum vobiscum, domino Francisco Santii emptori antedicto.

Exprese renuntiantes ac nostrum assensu firmam et consensu in dicta venditione facimus scribi et apponi per notarium infrascriptum, ad vestri iuris conservationi, cum nobis prenominatis Raymunde et eius filius Gilaberto ca[..]quo de iure aliquid ius nobis pertineat et competere possit nunc velin futurum, in et super castrum et thinentia de Villamalur nunc vendita et alienata illud salvatum, et asecuratum ac incartatum vobis extitit per iam dictum nobilem Raymundum de Rivosico, venditorem, qui supra super et in dicta sua baronia de Rebolleto, ut in quodam publico instrumento hodie receptum per discretum Petrum Fariza, notarium publicum Valentie, largius et clarius continetur.

Et ideo rationabiliter et ex causis predictis, nos dicta Raymunda de Rivosico juramen per dominum Deum et eius sancta quatuor evangelia manu nostra corporaliter ac reverenter tacta, predicta omnia et singula ut superius dicta sunt, semper servari, in nullo contra ea facere vel venire aliqua ratione.

Et ego dictus Gilabertus, mayor annis quindecim, nullum habens curatorem certificatus de omnibus premissis et singulis, renuntiamus exprese privilegium minoris etatis ac restitutionis in integro, juro ad dominum Deum et eius sancta quatuor evangelia manu mea corporaliter ac reverenter tacta, per predicta omnia et singula, ut superius dicta sunt, semper servare et in nullo contra ea facere vel venire aliqua ratione sive causa.

Et pro his renuntiamus scienter et sponte omni iuri, foro, privilegio et auxilio nos contra predicta iuvantibus quovis modo.

Et etiam quod iddem instrumentum si in publica forma redactum vel non, etiam si in juditium fuerit productum posit corrigi et emendari, ac in ipso addi vel exerci, et cum illis correctionibus, additionibus reficere, semel vel plures, ad omnimodam utilitatem prenominati domni Francisci Sancii Munionis, emptoris, substantia veritatis, contractus supradicti aliquatenus non mutata.

Quod est actum Valentie, die mercurii vicessima nona octobris anno a Nativitate Domini millesimo trecentessimo octuagessimo secundo.

Sig+num nobilis Raymundi de Rivosico, predicti, qui concedimus hec et firmamus. Sig+num domne Castellane de Villanova, uxoris predicti nobili. Sig+num domne Raymunde de Rivosico, uxoris nobilis Petri de Centilles. Sig+num nobilis Gilaberti de Centillas; predictorum, qui omnia supradicta laudamus, confirmamus, concedimusque et firmamus.

Testes huius rei sunt, honorabiles dominus Petrus Latrones, milles, dominus de Manzanera, Raymundus Dolsa, decretorum doctor, Petrus Farisa, notarius, Franciscus Massó, Bartholomeus de Turribus, Galcerandus de Monsoriu, de domo prefati nobis Raymundi de Rivosico, Petrus Marrades, Joannes de Gallach, Vincentius Dutrulles, notarius mayor dierum, Nicolaus de Esplugues, cives Valentie, Petrus Antonius Massó, vicinus vile Muriveteris.

Sig+num mei Jordani Benedicti, auctoritatem regiam notarium publicum per totam terram et dominationem illustrissimi domini regis Aragonum, qui predictis omnibus et singulis dum sit agerentur ut premititur, una cum prenominatis testibus, presens fui eaque scribi feci cum raso et correcto in tertia linea ubi videtur "me", et cum suprapositis in vigessima quinta linea, ubi dicitur "etatis et conditionis existant, et ab omni fide sacramento, fidelitate, naturalitate ac homagio", et in vigessima septima linea, ubi dicitur "domino", et etiam cum rassis et correctis in trigesima secunda linea, ubi continetur "quod si", et in trigessima tertia linea, ubi continetur "vel", et in quadragesima linea, ubi dicitur "credatur vobis", et cum supraposito in quinquagesima quinta linea, ubi videtur "castro", et clausi loco die et anno prefixis.