In Dei nomine.

Notum sit cunctis, quod nos, Petrus Nuñez, alcayde Morelle, tenens locum domini infantis Petri Potugalii, filli quondam nobilis regis Portugali, a mandato domini regis Aragonum, per nos et omnes successores nostros dono et concedo vobis, Raymundo de Aquiloni et Domi[ni]co Sanxo del Quanizar, et Joanni Campana, et Guillermo Serra, et Arnaldo Martin, et Arnaldo de Barbera, et Berengario de Aquiloni, et Balagario de Mores, et Nasio, et Pascasio Sancti Petri, et Vitali, et Raymundo Exervit, et omnibus universis populatoribus, ad forum et consuetudinem Morelle, illam terram et illum locum quem magis volueritis et meliorem cognoveritis, ad faciendam et ad constituendam aldeam sive alchaream, infra istas afrontationes, scilicet del maso Vincentii de la Roureda usque inferius, et de manso Ferrari de Brusca inferius, et sic vadit aqua de barrancho de fratre Eximeni, et vadit ferire ad hereditatem Bernardi de Calvera, et sic dividit hereditates Bernardi de Calvera, et sic dividunt hereditates de la Todolella, et sic termini Morelle dividunt cum Villoris, et sic dividit Ortells, et de hereditate Petri Serre ad inferius.

Hanch autem donationis et concetionem facio vobis hominibus supradictis, et universis populatoribus, sicut superius dictum est, et vestris, cum terris, aparamentis, cum hermis et lauratis, cum lignis, aquis, herbis, fontibus, cum rupibus et nemoribus, cum viis, introitibus et exitibus, et melioramentis, et cum omnibus suis pertinentiis, generaliter et especialiter, et cum omnibus aliis quo ad ussum hominum pertinentibus, sicud melius et utilius inteligi potest, ad bonum vestrum vestrorumque intelectum, nec excogitari.

Et retineo nobis tantum in dominatione furnos et molendina facta et facienda, et justicias, justitiarum, et omnes jurisdictiones sive dominationes, ad bonum forum consuetudinem Morelle.

Quod est actum VIº mensis madii [sic] anno Verbi Incarnati millesimo ducentesimo quadragesimo sexto.

Sig+num Petri Nuñez, alcayde Morelle, qui hec laudo et concedo, et testes firmare rogo.

Sig+num Martini Juliani. Sig+num Petri Sanctii de Montalvan. Sig+num Dominici de Beltal. Sig+num Portespana, testium.

Raymundus Vitalis, capelanus de Linola, qui hec scripsit iussi Domini[ci] de Remolins, nottarii Morelle, et hoc sig+num fecit.