Manifestum sit tam presentibus quam futuris quod ego, Ildefonsus, Dei gratia rex Aragonum, comes Barchinone, marchio Provincie, laudo et concedo et dono tibi Pontio priori Dertuse et tuis, castrum de Beniphaçam quod est in montanna de Tres Eris cum terminis suis sicut aqua de Valimona dividit usque ad Boxar et sicut carrera qua itur de Sancto Matheo dividit usque ad vilar de Cenia et usque terminum de monte Rubeo, retento hic (?) si predicto castro pertinent vel pertinere debent.

Prennotatum, siquidem, locum castrum cum predictis terminis, dono tibi et tuis cum hominibus et feminabus qui ibi populare venerint et cum omnibus populationiubs quas infra prelibatos terminos feceris, tam castra quam villas quam etiam quaslibet alias populationes, et cum aquis et pascuis, pratris, silvis et lignis ac terris laboratis et eremis, et cum molendinis et furnis, et cum omnibus aliis melioramentis que tu vel tui ibi feceris in prenominatis locis et etiam in locis vocatis Fredes et Bel.

Supradicta vero omnia dono tibi et tuis ad populandum et meliorandum et in sana pace omni tempore possidendum et ad omnem voluntatem tuam inde faciendam.

Tali vero conventu ut tu vel illi quibus hec omnia dimiseris et dederis, dones mihi et meis successoribus in perpetuum de omnibus que ex predictis populationibus exierint tam de pane quam de vino quam etiam de omnibus aliis exitibus que inde exierint fideliter medietatem, salva decima et primitia sedis Dertuse.

Atque ibi alium seniorem nec proclames nec facias nisi me et successores meos.

Liceatque tibi et tuis predictum castrum cum prenominatis populationibus et melioramentis ibi a te vel tuis factis vendere et impignorare sive alienare cuicumque volueris salvo meo iure predicto et salva mea fidelitate.

Convenio etia tibi quod dictum castrum cum predictis omnibus faciam tibi tenere et habere in pace in sine aliqua diminucione et tu habeas et teneas illud ad meum meorumque servitium.

Est autem preterea notandum quod, iratus sive paccatus, tu vel possessores ipsius castri per te dabia potestatem michi de predicto castro quotienscumque eam tibi demandavero.

Data apud Dertosam, mensis aprilis, anno Domini MCXCV.

Sig+num Ildefonsi, Dei gratia regis Aragonum, comitis Barchinone et marchio Provincie, qui hec laudo et firmo testesque firmare, rogo.

Signum infantis Petri, Dei gratia filii eius. Signum Guillelmi de Granata. Signum Petri d’Alcala. Signum Arnaldi de Sadaone, maiordomus. Signum Bernardi de Bono Astro. Signum Peirucie.

Signum Guillelmi de Cortone, notarii infantis Petri, qui hoc scripsit precepto domini regis, die et anno quo supra.