Hoc est translatum bene et fideliter sumptum a quadam litera domini regis in papiro scripta, cum eius sigillo minori cere in dorso impresso, videlicet IIIº nonas aprilis anno Domini Mº CCº LXº nono:

.

Jacobus, Dei gracia rex Aragonum, Maioricarum et Valencie, comes Barchinone et Urgelli et dominus Montispesulani.

Fidelibus suis universis hominibus de Alcoy, de Agres, de Perpuxen, de Planes, de Travadel, de Benaguila et de Cocentaina; salutem et graciam.

Mandamus vobis quot sententiam quam Dominicus Marques et Berengarius Scriba tulerint seu tulerunt de mandato nostro, in facto termino de quibus est contentis inter vos, homines de Cocentaina ex una parte, et vos homines predictorum locorum ex altera, firmam habeatis [.....] missiones quas predictus Dominicus Marques et Berengarius Scriba fecerunt racione divisionis dictorum terminorum [.....]eisdem persolvatis.

Et hoc racione aliqua non mutetis.

Datum Ilerde, idus septembris anno Domini millessimo CCº LXº octavo.