Ego Ildefonsus, Dei gracia rex Aragonum, comes Barchinone et marchio Provincie, ob remedium anime mee predecessorumque meorum, per me et per omnes meos, dono, laudo atque concedo perpetuo, Deo et domui milicie Templi, et universo conventui eiusdem loci, presenti atque futuro, castrum Pulpiç et villam quam superne virtutis subsidio ab inimicis Crucis Christi adquisiverunt, absque retentu aliquorum omnibus introitibus et exitibus suis, cum aquis, pascuis, cum silvis, nemoribus, cum omnibus honoribus et possessionibus suis, cultis et incultis, et etiam cum cetero iure et omnibus pertinencis suis, heremis scilicet et populatis, que pertinet vel pertinere debent prememorato castro et villa.

Hoc modo videlicet ut predictum castrum et villam, et cetera omnia pertinencia eisdem, libere, quiete et sine aliqua mei et meorum contradiccione et contrarietate habeant et teneant atque possideant, et ex eis plenam liberamque potestatem habeant faciendi omnem propriam voluntatem suam omni tempore ut ex suo proprio.

Hoc autem donativum, libenti animo et spontanea voluntate, prout superius dictum est et declaratum, dono, laudo atque concedo, prememorate domui et universo conventui, et per presentem conscriptores corroboro atque confirmo, nulla aliquo tempore obstante causa firmiter duraturam.

Datum apud Aquis in Provincie, mense ianuarii, anno ab Incarnato Domino millesimo Cº LXXXº VIIIIº, sub era Mª CCª XXª VIIIIª.

Signum + Ildefonsis regis Aragonensis, comitis Barchinone et marchionis Provincie, qui supradicta laudo et confirmo.

Donacio ista facta est Poncio de Rigaldo, adstante magistro in partibus Provincie et Ispanie, frater Guillelmus de Sancto Paulo, per manum ipsius comendator in partibus Provincie, Bernardi Cathalanis comendator in Sancto Egídio, Petrus de Sancto Gregorio in Montis Pesulani, Arnaldus de Claromonte tenens vicem predicti magistri in partibus Yspanie.

Testes huius donacionis Ennego d'Aveo, Bernardus de Benavent, Arnaldus de Alasam, Luppus de Darocha, Raimundus de Tirasona, Asaliter de Gudal, P. maiordomus, sig+num Barralle domini Marsilie, sig+num Bertrandi de Bauce, sig+num Hugonis de Bauce, sig+num Guillemi Raimundi Gaucelm, sig+num Berengarii de Sancta Eugenia.

Signum + Iohannis de Batex, domini regis scriptoris, qui mandato eiusdem hanc cartam scripsit mense et anno quo supra, cum litteris suprascriptis in prima pagina.