Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus licentiam et integram potestatem vobis, dilecto nostro dompno Eximino Petri de Arenoso, tenenti locum nostrum in regno Valencie, quod possitis mutare villam Castellionis de Burriana in quocumque loco videbitur vobis, infra terminum ipsius castri Castellionis.

Concedentes quod omnes populatores qui in dicta villa habitaverint vel in ea domos et ortos habuerint, habeant ipsi et eorum successores, imperpetuum, franchos et liberos, sine omni censu, tributo, usatico, servicio, et qualibet alia exactione quam nobis vel nostris vel alicui persone pro ipsis domibus et ortis nunquam facere teneantur.

Datum Ilerde VI idus septembris anno Domini Mº CCº Lº primo.

Sig+num Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] G. de Montecatheno. [2ª col.] Carrocius, R. de Timor. [3ª col.] G. de Aquilone. J. de Rocabertino.

Sig+num Guillermi de Rocha, qui mandato domini Regis pro G. Scriba, notario suo, hec scribi fecit, loco die et anno prefixis.