Noverint universi quod nos, Jacobus, Dei gratia rex Aragonum et cetera.; per nos et nostros concedimus vobis, toto consilio et hominibus Turoli et omnibus, tam terre nostre quam aliene undecumque fuerint, presentibus et futuris, quod racione erbatici, pasquerii, montatiçi, ganatorum suorum, non donent nobis vel nostris in aliquo loco Valencie nisi semel in quolibet anno, de mille ovibus parideriis tantum modo sex carnerios, et si fuerint plures vel minus, donent nobis et nostris perpetuo, secundum illam racionem.

Et oves bacie non computentur, nec de ipsis baciis nobis vel nostris aliquid detur.

Et de qualibet vacca, que habeat ultra unum annum, donentur semel et quolibet anno III denarii jaccensis.

In predictis autem, nulla fraus adhibeatur, et si adhiberetur puniatur fraudatores, secundum plus et minus, tam in vaccis quam in carneriis.

Et volumus et concedimus quod hec, tam per nos quam per omnes successores nostros, imperpetuum, in toto regno Valencie observetur, et aliquid aliud, racione erbatici, pasquerii, sive montatici ganatorum dare non teneantur nobis vel nostris successoribus vel alicui alii.

Mandamus itaque universis in regno Valencie constitutis et constituendis, presentibus et futuris, quatenus aliquod aliud preter quam dictum est, non exhigant vel accipiant nec exhigi vel accepi permittant.

Recipientes totum ganaticum in nostro guidatico et comanda, eundo stando et redeundo, salve et secure.

Datum Valencie nonas febroarii anno Domini Mº CCº XLº IIIIº.