Pateat universis quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; concedimus et indulgemus vobis fidelibus nostris toti concilio ville et aldearum de Turolio, quod possitis auctoritate nostra facere et habere juntam et unionem cum homines de Alchanniz, de Montalban, de Morella et de Cantaveylla, et omnium aliorum locorum qui vobiscum in junta et unione esse voluerint supradicta, et ad vestram videlicet et eorum deffensionem et ad fugandis raptores et latrones et alios malefactores terre nostre.

Mandantes senioribus, baiulis, justiciis, juratis, judicibus et alchaldis et suprajunctariis, et universis aliis officialibus et subditis nostris, presentibus et futuris, quod contra hanc concessionem et indulgentiam nostram non veniant nec aliquem venire permitant si confidunt de nostri gratia vel amore.

Datum [Montisoni] VIº kalendas aprilis anno Domini Mº CCº Lº tercio.