In Christi nomine.

Anno Domini millesimo ducentesimo Lº nono, videlicet die sancte Lucie idus decembris.

Ad honorem Omnipotentis Dei et domini nostri Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Nos, totum consilium Turolii, unanimiter bona voluntate, et sano consilio, propter multa pericula que toti ville Turolii et suis aldeis imminebant et salva et excepta in omnibus potestate domini Regis predicti quam non minuere, set augmentare cupimus, in omnibus et per omnia, statuimus perpetuo et firmamus firma et sollempni stipulatione, quod totum consilium secundum quod predictum est, simus perpetuo unanimis et unius voluntatis totius ville et aldearum Turolii, et semper parati omni homini, nobili militi et scutifferi, et etiam domine a nobis vel alicuius vicini Turolii et aldearum eiusdem, stare iuri secundum forum Turolii. Et si aliquis nobilis, miles sive scutiffer, sive domina de nobis conquerens, nollet recipere de novis ius, secundum forum terre, et super hoc, nobis vel alicui vicino Turolii vel aldearum vellet, aliquam iniuriam irrogare, vel forte, quod Deus avertat irrogaret, quam si premissa monicione, nollet eum emendare, quod omnes homines de villa et de aldeis suis premissam iniuriam, usque ad satisfaccionem condignam prosequi minime different, vel in aliquo dubitarent. Et si forte aliquis vicinus vel vicini de villa vel aldeis Turolii in hoc facto esset inventus, quod Deus nolit, tepidus vel remissus quod consilium Turolii posset, sine pena aliqua, eum punire in decima parte omnium bonorum suorum, tam mobilium quam immobilium, que pena dividatur quod dominus Rex habeat medietatem et aliq medietas sit consilii Turolii.

Statuimus preterea quod si aliquis nobilis, sive sit miles sive scutiffer sice domina pro iure suo, per forum Turolii in villa Turolii litigaret, quod sine pena, omnes omnes vicinos Turolii possent pro eo sine pena aliqua advocare. Verum si dictus nobilis vellet contra totum consilium litigare, quod aliquis non advocet ipsum, set quod dominus Rex possit ei advocatum dare, aliter liceat unicuique iuvare amicum suum sive militem sive quodlibet alium. Ideo quod non sit contra villam vel aldeas, necnon vel vicinum Turolii et aldearum eiusdem, in termino Turolii, vel extra quod si fecerit penam sustineat supradictam.

Item statuimus, quod si aliquis vicinus Turolii vel de aldeis conqueratur de aliquo principe, nobili, milite vel infançone sive domina vel infançona, et ab eis non posset consequi suum ius quod totum consilim ville Turolii, et aldearum iuvent eum quousque plenarie consequatur, de sua querimonia, justicie complementum.

Testes sunt: Johannes d'Estruch, Bertrandus Sapiach, Petrus Cesarauguste, Matheus Sapiach, Petrus Guillermi.

Sig+num Petri de Turolio, publici notarii Turolii, qui de mandato concilii eiusdem hoc scripsit.

Sig+num Jacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani; qui predicta laudamus, concedimus et firmamus, apponitum de mandato ipsius, per manum Jacobi de Montejudayco, scriptoris sui, apud Ylerdam, XIIII kalendas febroarii anno prefixo.