Noverint universi quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus et concedimus vobis, toti consilio Turolii et statuimus imperpetuum, quod nullus de cetero sit ausus laborare nec facere populacionem infra terminos inferius scriptos, videlicet de aljub carrarie de Mora, sicut vadit cerro per somo carras calli de Castralbo, usque ad fontem de la Fortaleza, et usque ad Penam Ruviam, et de Pena Ruvia usque al Benamulei, et de Benamuleus usque al cerro del Recuencho de Camarena, et usque ad collado de Pelamiços, et per medium vallis de la Casa, et de somo de la serra ad collado del Buey, et ad foveam del Taxo, et ad monionis de Turrios, et de eidem usque ad cabeço de les Cabres, et ad Valmala et Matam Dabre Cuesta, et de Mata Dabre Cuesta ad fozelleram Dabre Cuesta, et ad fondonem de los Sangrade, et ad caynadam de la Pila, et exinde cerro cerro usque ad vilarium de Pilos, et ad vilario de Pilos per rivum de Pilos usque a los demingos et usque ad turrem de las Acafes, et usque ad spinam de Can et ad Formig el Veio, et de inde usque ad vilarium de Rebollo et ad Canizarios, et ad Teiares, et ad carreram de Formig, et de inde usque ad canadam del Cravado, sicut vadit usque ad algibum carrarie de Mora, tamen infra dictos terminos possitis pascere et adquirere bestiarium vestrum salve et secure predictam donacionem et concessionem vobis facimus sine preiudicium hominum de Sarrione.

Quicumque autem contra predictam donacionem et concessionem nsotram infra dictos terminos populaverit vel laboraverit, penam mille morabatinorum se noverit incursurum.

Datum Xative Vº kalendas febroarii anno Domini Mº CCº sexagesimo.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª. col.] Eximinius de Urrea. [2ª. col.] Garcias Ortis de Açagra; Eximinus Petri de Pina. [3ª. col.] Garcias Ortis de Beresim. Petrus Ferrandis de Pina.

Sig+num Jacobi de Çarocha, qui mandato domini Regis pro domino G. Dei gratia illerdensi episcopo, cancellario, suo, hec scribi fecit et clausit loco die et anno prefixis.