Manifestum sit omnibus quod nos, Jacobus, Dei gratia rex Aragonum, Maioricarum, comes Barchinone et Urgelli et dominus Montispesulani; per nos et omnes successores nostros damus et concedimus per hereditatem propriam, liberam et francham vobis Gomicio Moynnoz et vestre posteritati sive progeniei imperpetuum, decem domos in Valencia, circa illas quas jam habetis ibi de Aviniacob Abetalaxarif, et triginta jovatas terre in alqueria de Rambla, et undecim domos in eadem alqueria de Rambla continuas ad unam manum, ad habendum, tenendum, possidendum et expletandum, cum introitibus et exitibus et affrontacionibus et suis pertinenciis universis a celo usque in abissum, ad dandum, vendendum, impignorandum, alienandum, et ad omnes vestras vestrorumque voluntates cuicumque volueritis faciendas.

Datum in obsidione Valencie, VI kalendas madii Era millesima CC. LXXª sexta.

Sig+num Jacobi Dei gratia regis Aragonum, Maioricarum, comitis Barchinone et Urgelli et domini Montispesulani.

Huius rei testes sunt: [1ª col.] Berengarius de Entenza. G. de Aquilone. [2ª col.] Artallus d'Alaone. Rodericus de Lizana. Assallitus de Gudal. [3ª col.] domnus Ladro. P. Petri, justicia Aragonum. P. Arcez de Roda.

Signum + Guillamoni Scribe, qui mandato domini Regis pro domino Berengario, barchinonense episcopo cancellario suo, hec scribi fecit loco die et era prefixis.