Manifestum sit omnibus quod nos, Jacobus, Dei gratia rex Aragonum, regni Maioricarum, comes Barchinone et Urgeli et dominus Montispesulani; per nos et nostros successores damus et concedimus vobis, per hereditatem propriam, liberam et francham, vobis venerabili et dilecto Egimino, Dei gratia episcopo Segobricensis, stipulanti, et per vos ecclesia eidem, et toto capitulo presenti pariter et futuro, imperpetuum, domos, realem et totam hereditatem integram, quam Mahomad Almailol cognatus de Alaris habet in Valentia et in suo termino; ad habendum, tenendum, possidendum et explectandum, cum introitibus et exitibus et afrontacionibus et suis pertinentiis universis, a celo usque in abissum, ad dandum, vendendum, impignorandum, alienandum, et ad vestras vestrorumque voluntates cuicumque volueritis faciendas.

Datum in obsidione Valentie, chalendas junii [Era] millesima ducentesima septuagesima sexta.

Sig+num Jacobi, Dei gratia regis Aragonum et regni Maioricarum, comitis Barchinone et Urgelli et domini Montispesulani.

Huius rei testes sunt Altardus de Alago, Rodericus Liçana, Assalitus de Val, dominus Ladro, Ferdinandus P. de Pina, Guillermus de Aguilon, Guillermo de Portela, P. Garces de Roda.

Sig+num Guillermi Scriba, qui mandato domini Regis pro domini Berengario, barchinonensi episcopo cancelario, suo, hanc cartam scribi, fecit, loco die et era prefixis, scilicet anno Domini milesimo ducentesimo trigessimo octavo.