Noverint universi quod nos, Jacobus, Dei gratia rex Aragonum et regni Maioricarum, comes Barchinone et Urgelli et dominus Montispesulani; per nos et omnes successores nostros, ob remedium anime nostre et parentum nostrorum damus et concedimus per hereditatem propriam, francam et liberam, vobis fratri Petro Paul et fratri Petro de Pradello, monagis stipulantibus, et per vos abbati et conventui monasterii Populleti, presentibus et futuris, imperpetuum, domos in Valencia de Maphomat Avinbitali, sarraceno, et quatuor jovatas terre in Mizlata, ad habendum, tenendum, possidendum, expletandum, cum introitibus et exitibus, affrontacionibus et suis pertinenciis universis a celo in abissum, ad dandum, vendendum, inpignorandum, alienandum et ad omnes voluntates abbatis et conventus Populeti et cuicumque voluerint perpetuo faciendas.

Datum in obsidione Valencie septimo kalendas augusti anno Domini Mº CCº XXXº octavo.

Signum + Jacobi Dei gracia regis Aragonum et regni Maioricarum, comitis Barchinone et Urgelli et domini Montispesulani.

Huius rei testes sunt: [1ª col.] F. infans Aragonum. [2ª col.] G. de Montecateno, R. de Liçana. [3ª col.] B. de Alagone, Eximinus de Hurrea.

Signum + Guillemoni Scribe, qui mandato domini Regis pro domino Berengario, barchinonense episcopo cancellario suo, hanc cartam scribi fecit loco die et anno prefixis.