In Christi nomine.

Pateat omnibus hominibus quod nos Jacobus, Dei gratia rex Aragonum, comes Barchinone et dominus Montispesulani; bono animo et spontanea voluntate, ob remedium anime nostre et parentum nostrorum, cum hac carta perpetuo valitura damus, statuimus et perpetuo concedimus domino Deo et beate Maria Montis Serrati, et vobis Berengario de Bacco priori et omni conventui eiusdem cenobii presenti et futuro, quod ab hac die et deinceps fiat mercatum publicum et generale in alodio vestro ab antecessoribus nostris vobis libere concesso, sive in villa vestra que dicitur Monistrol in qualibet die sabbati, ad bonas consuetudines mercati quascumque ibi constitutur volueritis.

Predictum itaque mercatum, cum omnibus censibus, usaticis, placitis, firmamentis, leudis, justiciis, proventibus ordinariis et extraordinariis, et cum omnibus que modo aliquo ibi noscuntur pertinere, damus et concedimus Deo et memorato cenobio sancte Marie Montis Serrati et priori et conventui presenti et futuro, per alodium franchum et liberum, ad habendum et tenendum et perpetuo in pasce possidendum.

Enfranquimus etiam dictum mercatum et locum ubi fuerit situm, ab omni sensu, servicio vel usatico nostro, et ab omni qualibet exaccione regali et vicinali, ibi aliquo modo nobis pertinente.

Recipimus siquidem omnes homines, clericos videlicet laycos, milites, mercatores, extraneos et privatos, et omnes quodlibet personas cuiuscumque professionis fuerint ipsi mercato venientes, cum omnibus rebus, mercaturis secum portantibus vel ducentibus, vel portandi aut duci facientibus, in veniendo, manendo et redeundo quosque sint reverse in ospiciis eorum. Ita nostra proteccione, defensione securoque ducatu, tanquam vos nostros speciales et nostrarum civitatum.

Mandamus autem omnibus vicariis, baiulis et omnibus aliis aministracionem nostram ubique gerentibus, quod hanc donacionem et proteccionem nostram superius premissa teneant et observent et ab omnibus inviolabiliter faciant observari.

Quicumque autem contra predicta vel aliquid horum predictarum in aliquo venire attemptaverit, iram et indignacionem nostram noscat se perpetuo incursurum, et dampno prius in duplo restituto, pena mille aureorum a nobis absque aliquo remedio punietur, de quaquoque pena nos habebimus medietatem et dictum cenobium sancte Marie Montis Serrati aliam medietatem.

Datum apud Barchinone III idus madii anno Domini Mº CCº XXº sexto.

Sig+num Jacobi Dei gratia regis Aragonum, comitis Barchinone et domini Montispesulani, positum per manum suam propriam.

Ego S. terrachonensis archiepiscopus subscribo. Ego Gomicius de Almoguera, domini Regis notarius +.

Huius rei testes sunt S. archiepiscopus Terragone. B. episcopus Barchinone. G. episcopus vicensis. Nuno Sancii. P. Ferrandi de Albarrazino. G. de Angularia. Ugo de Mataplana. G. de Cervaria. Bernardi G. R. de Montecatano. G. R. senescalcus.

Ego G. Rabaza, notario domini Regi hoc scribi feci mandato ipsius loco die et anno prefixis. +