Manifestum sit omnibus quod nos Jacobus Dei gratia rex Aragonum et regni Maioricarum, comes Barchinone et Urgelli et dominus Montispesulani; attendentes vos fideles nostros universos homines de Miranda plurimis pauperitatibus ac variis ne[cess]itatibus ac g[...]aces nimium et aff[.....]es et ad relevacionem vestram et ut prefata villa quasi de novo sit de cetero populata, per nos et omnes successores nostros, cum presenti carta nostra firmiter et perpetuo valitura, enfranquimus vos predictos homines de Miranda et successores vestros qui ibi nunc estis vel in antea fueritis populati, ab omni peyta, questia, paria, tolta, forcia et omnibus aliis serviciis et exaccionibus que dice possunt vel nominari, que vos unquam [......] vel alicui seniori estis facere consueti.

Retinendo nobis et nostris successoribus hostem, cavalcatam et earum redempcionem, homicidia, calonias et cetera nostra iurisdiccioni pertinencia ac monetaticum cum centum Lti. solidum denariorum jaccense monete, quas singulis annis pro tributo et censu donetis nobis et nostris successoribus et seniori qui pro nobis villam de Miranda tenuerit supradictam hereditatem vero tantum que ad nostram iuvarium pertinet similiter retinemus.

Nullus igitur de gratia nostra confidens sive sit senior sive alius homo noster vel aliam, audeat de cetero vos vel res vestras aliquas invadere, capere, pignorare, compellere, forciare, distringere, ad dandum vel solvendum huiusmodi predicta vel eorum aliqua a quibus vos et successores vestris superius, perpetuo enfranquimus, salvis et integris omnibus que nobis et nostris successoribus retinemus et donamus, laudamus, et concedimus vobis et vestris successoribus quod ad opus et usum vestri bestiarii et ganati habeatis per totam terram et per omnia loca dominacionis nostre, aquas, pascua et erbis, montis et intretis in bovalariis, et non teneamini propterea facere servicium alicui, nec dare carnagium vel aliqua consuetudine.

Statuentes firmiter et mandantes majoridomus, senioribus, reppositaris, merinis, justiciis, çavalmedinis, juratis et concilio Cesarauguste et aliis nostris subditis universis presentibus et futuris, quod hanc franquitatem nostram et concessionem firmam habeant et observent et non contraveniant si de nostri et successorum nostrorum confidant gratia et amore.

Datum apud Cesaraugustam XVI kalendas aprilis Era Mª CCª LXXª tercia.

Sig+num Jacobi, Dei gratia regis Aragonum et regni Maioricarum, comiti Barchinone et Urgelli et domini Montepesulani.

Testes huius rei sunt: [1ª col.] S. episcopus cesaraugustanensis. [2ª col.] P. Cornelii majordomus Aragone. P. Ferrandi de Açagra. [3ª col.] Garssias Romei. Fr. Açnari. [4ª. col.] S. de Orta. G. Assalliti. [5ª. col.] P. Maça. G. de Orta. [6ª. col.] Eximeni Petri reppositarius Aragonum. P. Petri justicia Aragonum.

Sig+num Petri Johannis, scriptoris, qui mandato domini Regis pro P. Sancii notario suo hec scripsit, loco die et era prefixis.