Noverint universi quod nos Jacobus, Dei gratia rex Aragonum, Maioricharum et Valencie, comes Barchinone et Urgelli et dominus Montispesulani; per nos et nostros damus et concedimus per alodium proprium, franchum et liberum tibi Petro Beceda et tuis imperpetuum, sex jovatas terre in termino alquerie que dicitur Aytona, que est in termino de Corbera, ad habendum, tenendum, possidendum et expletandum, cum introitibus, exitibus, conffrontationibus et suis pertinenciis universis a celo in abissum, ad dandum, vendendum, impignorandum, alienandum, et ad omnes tuo tuorumque voluntates, cuicumque volueritis faciendas, exceptis militibus et sanctis.

Datum Barchinone pridie nonas novembris anno Domini millesimo CCº quadragesimo primo.

Signum + Jacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] G. de Entença. [2ª col.] G. de Cervilione. Eximinus de Focibus. [3ª col.] Berengarius de Cervaria. Assallitus de Gudal.

Signum + Guillemoni Scribe, qui mandato domini Regis hec scribi fecit loco die et anno prefixis.

Lecta fuit Regi.