Noverint universi quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros concedimus et laudamus vobis, viro nobile et dilecto nostro nepoti Gastoni, vicecomiti Biarne et domino Montecathani et Castro Veteris, et vestris successoribus imperpetuum, quod baiulus, vicarius, vel aliquis alius homo noster non intret castra feudorum et alodiorum vestrorum, vel infra terminos eorumdem castrorum racione alicuius querimonie vel querele, nisi prius data et facta fuerit fatica XX dierum in bajuliis vestris.

Mandantes vicariis et universis subditis nostris presentibus et futuris, quatenus contra predicta non veniemus ac aliquem venire permittant, immo firma imperpetuum habeant et observent.

Datum Cesarauguste XVIº kalendas ianuarii anno Domini Mº CCº XLº VIº.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: Petrus Cornelii, Petrus de Montecatheno, Ferrarius infans Aragonum, Bernardus de Sancta Eugenia, Bernardus de Scintillis.

Signum + Guillermi Scribe, qui mandato domini Regis hec scribi fecit, loco et die et anno prefixis.