Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus, laudamus et concedimus vobis, venerabili et dilecto nostro fratri Petro de Granyana, castellano Emposte, et per vos universis fratribus Hospitale Iherosolimitani, presentibus et futuris, imperpetuum, totam illam quartam partem et totam illam decimam quas habemus et habere et accipere debemus in redditibus et exitibus molendinorum illorum que fuerunt Ferrandi Petri de Pina, que vos et ordo Hospitalis predictis habetis in termino Burriane, ad habendum, tenendum, percipiendum, possidendum, et expletandum, franche et libere, et ad omnes vestras vestrorumque successorum voluntates, cui vel quibus volueritis libere imperpetuum faciendas.

Factum est hoc X kalendas novembris anno Domini millesimo CC L tercio.

Sig+num Jacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes huius rei sunt: [1ª col.] Petrus de Montecathano. Berengarius de Angularia. [2ª col.] Raymundus de Cardona. Petrus de Berga. [3ª col.] Petrus de Queralto. Raymundus de Portella.

Sig+num Petri Andree, qui mandato domini Regis hec scribi fecit, loco die et anno prefixis.