Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros laudamus, donamus, concedimus et confirmamus vobis Guillemono et Raimundeto, filiis quondam Raimundo de Rochafolio et vestris imperpetuum, illos decem casatos sarracenorum quos Raimundus de Rochafolio predictus, pater vester, populavit in Fortalen termino de Corbaria, ut sint vestri proprii et vestrorum ac quitii, pleno iure.

Hoc tamen salvo quod quilibet ipsorum decem casatorum donent et dare teneantur nobis et successoribus nostris, imperpetuum, quolibet anno in festo sancti Michaelis, unum bisancium argenti, et preter hunc censum aliquid servicium vel usaticum, peytam, questiam seu tributum seu quamcumque aliam exaccionem regalem, dare nobis vel nostris aut cuilibet persone non teneantur dare nec donent, nisi tantum vobis et vestris, nec vos etiam per eisdem, et sic ipsos habeatis et teneatis vos et vestri, ut dictum est, ad omnes vestras voluntates perpetuo faciendas, exceptis militibus et sanctis, clericis et personis religiosis.

Datum Calataiubii II idus decembris anno Domini Mº CCº Lº quinto.

Signum + Jacobi Dei gratia regis Aragonum, Maioricarum et Valencie, comiti Barchinone et Urgelli et domini Montispesulani.

Testes sunt: [1ª col.] Alvarus Petri de Açagra. [2ª col.] Sanccius de Antillone. Pelegrinus de Atrossillo. [3ª col.] A. de Luna. P. M. de Luna.

Sig+num Jacobi de Montejudayco, qui mandato domini Regis pro domino fratre Andrea, episcopo Valencie cancellario suo, hec scripsit loco die et anno prefixis.