Pateat universis quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; considerantes proinde quod castrum Xative sicut fortitudinis nobilitate pertinet, sic debeat maioritate terminorum ditari; attendentes etiam et videntes quod habitatores eidem castri et ville tanquam fidelisimi et devoti, pro aliis nostro servicio se exponunt in hoc mortis, periculum, non vi[tan]tes; ideo, per nos et nostros damus, concedimus, et asignamus pro termino, imperpetuum, castro et ville Xative supradictis, castrum de Sumacarcere, cum alquareis, terminis et suis pertinenciis universis.

Firmiter statuentes universi quod et singulo habitatores castri predicti de Sumacarcere, alquariarum et terminorum eiusdem, presentes scilicet et futuri, sequitur et teneantur sequi semper in omnibus exercitibus et cavalcatis, vexillum hominum de Xativa, et ipsos homines de Xativa adjuvare et esse cum eis in omnibus sicut [..... .....] aliorum castrorum, villarum, et locorum, que sicut de termino Xative facere et esse tenentur, salvo tamen in omnibus iure [....]

Datum Illerde, III mensis junii anno Domini millesimo CCº Lº sexto.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: Guillermus de Montecateno, Guillermo de Castronovo, Raimundus vicecomes Cardone, Jacobus de Cervaria et Petrus de Focibus.

Sig+num Michaelis de Alcoario, qui mandato domini Regis, pro domino fratre Andrea, episcopo Valentino cancellario suo, hoc scripsit loco die et anno prefixis.