Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus et concedimus vobis, Sancio Martini de Oblitis, et Orie uxore vestre, et vestris imperpetuum, castrum et alcheriam de Becorb et alqueria de Benedriz, cum omnibus terminis et pertinenciis suis, et cum hominibus et mulieribus ibi habitantibus et habitaturis, cuiuscumque legis aut conditiones sunt vel erunt, et cum terris heremis et populatis, et cum montibus, lignis, silvis et garricis, et cum molendinis, furnis, aquis, piscacionibus, venacionibus, et omnibus quibuslibet iuribus nostris, et cum omnibus melioramentis ibi factis et faciendis, integre et sine aliqua diminucione, ac sine aliqua retencione nostra et nostrorum, et cuiuslibet alterius persone.

Ad dandum, vendendum, impignorandum, alienandum, et ad omnes vestras et vestrorum voluntates cui et quibus volueritis libere perpetuo faciendas.

Exceptis clericis et personis religiosis.

Termini siquidem castri et alcherie de Bochor affrontat cum terminis de Palaz, quod est de regno Castelle, et cum terminos de Cortes et de Millars, que sunt de regno Valencie, et cum [...... ...... ......], que est de regno Valencie, et cum terminis de P[...], et prout dividuntur termini de Castella et de regno nostro Valencie.

Termini similiter de Benatriz, affrontant cum rivo de Guadalquevir.

Datum Tudele idus julii anno Domini Mº CCº Lº nono.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª. col.] Bernardus G. de Entença. [2ª. col.] Egidius de Rada. Sancius de Antillone. [3ª. col.] G. de Puyo. P. Martini de Luna.

Sig+num Petri de Capellades, qui mandato domini Regis pro domino S.Dei gracia episcopo ilerdense, cancellario suo, hec scribi fecit et clausit, loco, die, et anno prefixis.