Noverint universi quod nos, Jacobus, Dei gracia rex Aragonum, Maioriquarum et Vallencie, comechs Barxaloni et Hurgelli et dominus Montispelleri; per nos et nostros damus et concedimus et asignamus per ereditatem propriam franquam et liberam, titulo et dominacionis inter vivos, vobis, dilecto fillio nostro Petro Farandez, et vestris imperpetuum, castrum et villam de Cortes, que sunt in regno Valencie, cum omnibus alquareys, terminis et pertinenciis sitis, et cum casis, casalsoris, furnis, balneis, molendinis, columbariis, vines, ortis, ortalibus, ac teris cultis et incultis, hermis et populatis, silvis, lignis, arboribus diversorum generum, aquis, erbis, pratis, pasturis, piscacionibus, venacionibus, montibus, terminis, introitibus, exitibus, et cum melioramentis ibidem factis et faciendis, et suis pertinenciis universis, a celo in abissum. Et cum omnibus etiam ominibus et feminis ibi abitantibus et abitaturis, cuiuscumque legis vel condicionis sunt vel erunt. Et cum peytis, cenis, questiis, adempriviis, serviciis, donis, calonis, et justiciis civilibus et criminalibus, tributis, monetaticis, exercitibus et cavalcatis, ac eorum redempcionibus, et cum omnibus aliis iuribus que ibi habemus et habere debemus aliqua racione vel causa, absque aliquo nostro nostrorumque vinculo et retencione, ad habendum, tenendum, possidendum, expletandum, dandum, vendendum, alienandum, impignorandum, comutandum, et ad omnes vestras vestrorumque voluntates, cui et quibus volueritis libere perpetuo faciendas, prout melius dici potest et intelligi, ad vestrum vestrorumque bonum et sincerum intellectum.

Data Valencie XVIII calendis madii anno Domini Mº CCº LXº primo.

Signum + Jacobi, Dei gracia regis Aragonum et cetera.

Testes huius rey sunt; Jacobus de Castronovo, Garcia Romey, Eximenus Romei, Garcias Ortis de Sagra, Sancius de Antillo.

Signum + Miquaellis Violete, qui mandato domini Regis pro domino G. Dei gratia episcopo Ilerde cancellario suo, hec scribi feci, loco, die, et anno prefixis.