Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros laudamus, concedimus et confirmamus tibi Dominico de Cavallo portario nostro et tuis imperpetuum, domos et omnes alias hereditates et possessiones quas habes in Algezira et alqueriis ac terminis suis, ex donacione a nobis vel divisoribus nostris tibi facta, et quas emisti de aliquibus personis in terminis antedictis, prout in instrumentis seu cartis quas habes a nobis vel a dictis divisoribus nostris, vel in libro dictorum divisorum et instrumentis dictarum emptionum plenius continetur.

Mandantes tenentibus locum nostrum in regno Valencie et baiulis ac justiciis et universis aliis hominibus Algezire et terminorum suorum presentibus et futuris, quod hanc confirmacionem nostram firmam semper habeant et observent, et faciant ab omnibus inviolabiliter observari, prout melius dici vel intelligi potest ad tuum et tuorum profficium et utilitatem.

Datum apud Montempesulanum XVIº kalendas januarii anno Domini Mº CCº LXº primo.

Signum + Jacobi Dei gratia regis Aragonum, Maioricarum et Valencie, comiti Barchinone et Urgelli et domini Montispesulani.

Testes sunt: [1ª. col.] R. Gaucelmi dominus Lunelli. [2ª. col.] Gaucerandus de Pinos. Bertrandus de Castelleto. [3ª. col.] R. de Guardia. Berengarius Arnaldi de Angularia.

Sig+num Michaelis Violete, qui mandato domini Regis hec scribi fecit, loco, die, et anno prefixis.