Jacobus Dei gratia rex Aragonum, Maioricarum et Valencie, comes Barchinone et Urgelli et dominus Montispesulani.

Fideli suo R. de Pompiano, [vicario nostro]. Salutem et gratiam.

Sciatis quod nos mandamus per litteras nostras dilecto nostro R. de Urgio, quod tradat vobis castrum de Rocabruna et castrum de Ruppe de Pelencano.

Unde vobis dicimus et mandamus quatenus visis presentibus, emparetis et teneatis dicta castra et ipsa custodiri faciatis et emparetis etiam omnes honores quos R. Malo Anno, quondam habe[bat] ..... ..... ultra et decimum de Rippis, quod Arnaldus de Maçana colligit.

Et vos accipiatis omnes redditus et exitus predictorum honorum et dictum decimum, et inde provideatis competenter illis qui predicta castra custodierunt, et totum residuum donetis et tradatis dompne Beatrici uxori quondam dicti Raimundi de Malo Anno vel cui ipsa voluerit.

Et hoc non mutetis aliqua racione vel causa.

Datum in Montepesulani XIIIº kalendas augusti anno Domini Mº CCº LXº secundo.