Jacobus Dei gratia rex Aragonum, Maioricarum et Valencie, comes Barchinone et Urgelli et dominus Montispesulani.

Fideli suo Raimundo de Pompiano vicario Ceritanie, Confluentis et Campi Rotundi. Salutem et gratiam.

Cum super causa vel causis quas Beatrix uxor quondam R. de Melano et R. de Urgio ..... ad invicem proponeret voluerint, delegavimus in judicem P. Arberti, barchinonensi canonicum, dicimus et mandamus vobis firmiter et districte, quatenus castrum de Rochabruna et castrum de Rocha de Polentano et alios honores predicti Raimundi de Meliano quondam, que et quos vobis tradidemus et comanda tradatis personis quibus dictus Petri Arberti vobis per suas literas duxerit intimandum, omni dilacione et excusacione remotis, nec tradicionem predictorum castrorum diferatis propter expensas quas fecissetis in eisdem, set ipsas super aliis honoribus habeatis.

Datum Barchinone pridie kalendas septembris anno Domini Mº CCº LXº secundo.