Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus licenciam et plenum posse tibi Dominico Despes, civi Valencie, quod possis libere et absque alicuius impedimento vendere quibuscumque personis volueris, tam militibus, clericis quam quibuslibet aliis hereditatem quam habes in Siynem, alqueria de Corbera, non obstante foro Valencie quo prohibitur ne aliquis aliquas hereditates nostri servicii possit vendere militibus, sanctis, neque personis religiosis.

Mandantes scriptoribus regni Valencie quod de vendicione vel venditionibus quam vel quas de dictis hereditatibus facies, faciant publica instrumenta, sine aliqua dilacione.

Datum Barchinone XIIº kalendas septembris anno Domini millesimo CCº LXº nono.

Signum + Jacobi Dei gratia regis Aragonum, Maioricarum et Valencie, comiti Barchinone et Urgelli et domini Montispesulani.

Testes sunt: [1ª. col.] R. de Cardona [2ª. col.] G. de Castronovo. R. de Montecatheno. [3ª. col.] G. de Cervilione. Gerardus de Capraria.