Noverint universi, quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; recipimus et constituimus in nostra proteccione, custodia, comenda, et in nostro guidatico speciali vobis, fideles meos universos et singulos homines et feminas de Sogorbio, presentes et futuros, cum omnibus bonis vestris mobilibus et inmobilibus, habitis et habendis, in eundo, stando ac redeundo per omnia loca regnorum et terrarum et dominacionis nostre, per terram videlicet mare, stagnum et quamlibet aquam dulcem.

[Ita quod] nullus de nostri gracia vel amori confidens, sit ausus vos vel aliquem vestrum, nec aliqua bona vestra in aliquo loco dominacionis nostre invadere, capere, retinere, marchare, offendere, gravare vel pignorare, culpa crimine vel debito alieno, nisi principales debitores vel fideiussores fueritis [mani]festi, nec in hiis etiam casibus nisi in vobis prius inventa fuerit fatica de directo.

Mandantes firmiter tenentibus locum nostrum, alcaydis, justiciis, juratis, baiulis et universis aliis officialibus et subditis nostris, presentibus et futuris, quod hoc guidaticum nostrum firmum habeant et observent, et faciant ab omnibus inviolabiliter observari, et non contraveniant nec aliquem venire contra permitant, aliquo modo vel aliqua racione; vobis tamen facientibus querelantibus de vobis justicie complementum.

Quicumque autem contra hoc guidaticum nostrum venire attemptaverit, iram et indignationem nostram et penan quingentorum morabatinorum se noverint incursurum, dampno illato vibos primitus plenarie restituto.

Datum Valencie VIIº kalendas augusti anno Domini millesimo CCº Lº sexto.

Sig+num Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] Eximinus de Urrea. [2ª col.] Sanccius de Antillone, Ato de Focibus. [3ª col.] Eximinus Petri de Arenoso, Michel de Lesu. Sig+num Jacobi de Monte Judayco, qui mandato domini Regis, pro domino fratre A. episcopo Valencie, cancellario suo, hec scripsit loco die et anno prefixis.