Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli, et dominus Montispesulani; per nos et nostros concedimus vobis, universis sarracenis de Onda presentibus et futuris, in perpetuum, quod si forte de cetero alterii sarraceni captivi, qui fuerint naturales et habitantes de Onda, adfugerent et poterint evadire de captivitate et de possessione dominorum suorum et venerint apud Ondam, sint semper salvi et securi et a captivitate penitus liberi et perpetuo absoluti, cum omnibus rebus et bonis suis.

Concedimus etiam vobis quod in festo sancti Michaelis septembri, et de cetero annuatim in dicto festo, donetis et dare teneamini nobis et nostris in perpetuum, pro unoquoque casato duos bisancios pro eo donetis et solvatis.

Et vobis, dantibus nobis et nostris annuatim, ut dictum est, predictos duos bisancios pro unoquoque casato, non teneamini dare nobis vel nostris aliqua questiam sive peytam, nec aliquem aliam regaliam exaccionem, set sitis inde cum omnibus bonis vestris liberi et penitus perpetuo absoluti.

Datum Ilerde, kalendas septembris anno Domini Mº CCº Lº nono.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.