Noverint universi, quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros damus et concedimus vobis, universis et singulis hominibus de Onda, presentibus et futuris, ac etiam in perpetuum statuimus, quod semper de cetero quolibet anno celebrentur nundine in Onda, in festo sancti Michaelis, ita quod in die dicti festi incipiant et durent per XV dies.

Recipientes in nostra proteccione, custodia, comenda, et guidatico speciali, omnes et singulos homines et milites ad dictas nundinas venientes, in veniendo et stando, et redeundo, cum omnibus rebus et mercibus eorum.

Ita scilicet quod non capiantur, detinentur, marchantur, nec pignorantur, culpa crimine vel debito alieno, nisi homicido fuerit vel proditores manifesti, aut debitores et fideiussores pro aliis constituti.

Preterea enfranquimus omnes homines et singulos ad dictas nundinas venientes, per tres annos primos venturos et completos, ab omni iure, quod in ipsis nundinis dare modo aliquo teneatur.

Mandamus insuper baiulis, alcaidis, et universis officialibus nostris, quod predicta omnia et singula firmam habeant et observent, et faciant ab omnibus inviolabiliter observari, et non contraveniant nec aliquem contravenire permittant aliquo modo vel aliqua racione.

Datum Liçane XIIº kalendas julii anno Domini Mº CCº LXº septimo.

Sig+num Jacobi, Dei graria regis Aragonum, Maioricarum et Valencie, comitis Barchinone et Urgelli et domini Montispesulani.