Manifestum sit omnibus, quod nos, Jacobus Dei gratia rex Aragonum et regni Maioricarum, comes Barchinone et Urgelli, et dominus Montispesulani, habentes nunc et semper voluntatem et propositum deferendi, et nostris donis et munificenciis ampliandi, venerabile monasterium de Berola, quod a dominis regibus gloriose memorie avuo et patre nostro novimus in predictis ampliatus partem et ditatum cum presenti carta, per nos et successores nostros, donamus concedimus et laudamus vobis dilecto nostro fratri M. abbati, et toti conventui monasterii de Berola, et vestris successoribus in eternum, totum illud leçinar de Bera, quod habeatis per vetatum vestrum et pascuum, ad vestrum bestiarium et ganatum, sive vestra peccora ibi pascenda, et conducenda, sicut rivus scilicet circuit de Ocha, ex una parte, et carrera Tirasone ex altera que vadit ad monasterium supradictum, et in via que itur de Berola ad Conchiellos.

Quantum infra predictos terminos concluditur latere ex utroque, donamus et concedimus vobis ad opus vestri bestiarii et ganati, quod teneatis et conducatis ibi ad pascendum et nutriendum.

Donamus etiam vobis et concedimus et assignamus in deffesa, sive pascuis bestiarum, sive bonum grangie de Trahit, totum illum locum, sicut est a Pinna Cervi, et aque vertunt versus grangiam, et usque ad podium de Alcalano.

Donamus etiam et concedimus vobis, quod in toto illo vetato nostro quod habetis ad Maderolam, non sit ausus aliquis, scindere ligna vel facere ullo modo contra voluntatem vestram, nec carbones, nec ligna vel carbones ibi scindere facere, nec inde trahere palam ullatenus nec occulte.

Mandantes firmiter et districte universis nostris subditis presentibus et futuris, quod in dictis vetatis sive deffesis superius comprehensis, non sint ausi ducere vel mitere bestiarum aliquod nec ganatum, nec scindere ligna, vel facere in vetato de Maderola, etiam nec carbones.

Et siquis forte ausu temerario contra tenorem istius carte in predictis faceret de cetero nullam forciam vel veniret in aliquo contra istud statutum nostrum, iram nostram et indignationem, et penam centum morabetinorum, quociens qua venerit, sine remedio se noverit incursurum, dampnum vel tala monasterio inde facta prius plenarie emendata.

Datum apud Trasmonç, VIIIº kalendas madii, Era Mª CCª LXXª IIª.

Signum + Jacobi, Dei gratia regis Aragonum et regni Maioricarum, comes Barchinone et Urgelli et domini Montispesulani.

Huius rey testes sunt: [1ª col.] dompnus Ferrandus, infans Aragonum. Dompnus Nunio Sancii. [2ª col.] Dompnus Blaschus de Alagone, maiordomus Aragonum. Artallus de Luna. Eximinus de Urreya. [3ª col.] Garcia Romei. Artallus de Alagon. Blasco Maça.

Sig+num Guilermi Scribe qui mandato domini regis pro Guillermo Rabacie notario suo hanc cartam scripsit loco die et era prefixis.