Noverint universi quod nos Jacobus Dei gratia rex Aragonum Maioricarum et Valentie comes Barchinone et Urgelli et dominus Montispesulani, per nos et nostros presentes atque futuros bono animo et spontanea voluntate, cum hoc presenti publico instrumento perpetuo valituro, damus concedimus et de presenti tradimus vobis venerabili et dilecto nostro, B. eadem abbati de Berola, et conventui eiusdem monasterii vestrisque successoribus abbatibus dicti monasterii imperpetuum in concambium videlicet castri et ville vestre quod vocatur Beriluesa quod nobis de presenti excomutatis, castrum et villam nostram de Bulbon, cum introitibus, exitibus, affrontationibus et suis pertinenciis universis, cum hominibus et mulieribus ibidem habitantibus et habitaturis, cum terris cultis et incultis, cum pratis, pascuis, defesis, herbis, aquis et aquarum ductibus, lignis, nemoribus, furnis, molendinis, pexeriis, venationibus, toltis, forciis, peitis, cenis, justiciis criminalibus et civilibus et cum omnibus et singulis iuribus dicto castro et ville pertinentibus et debentibus pertinere aliqua causa et racione.

Iamdictum itaque castrum et villam de Bolbon cum omnibus expressis quam non expressis et cum omnibus et singulis ad dictum castrum et villam competentibus et debentibus pertinere et cum omnibus locis, iuribus, vocibus et accionibus realibus et personalibus de nostro et nostrorum dominio et posse extraemus, et in vestrum vestrorumque ius dominium et posse transfferimus irrevocabiliter, sicut melius et plenius dici potest vel intelligi ad vestrum vestrorumque salvamentum et bonum intellectum.

Inducentes vos et vestros successores cum hoc publico instrumento perpetuo valituro in corporalem possessionem pleno iure, tanquam in rem vestram propriam, ad habendum, tenendum, possidendum, expletandum, et ad omnes vestras vestrorumque voluntates cuicumque volueritis faciendas, ad dandum, vendendum, impignorandum et alienandum tanquam hereditatem vestram propriam francham et liberam.

Promitimus insuper vobis per firmam et legalem stipulacionem quod faciemus vos et vestros, tenere habere dictum castrum et villam in pace ut superius dictum est, et perpetuo possidere.

Monedaticum vero et bovaticum dicti castri et ville de Bolbon, nobis et nostris successoribus imperpetuum retinemus.

Datum Aliasire XVIº kalendas januarii anno Domini Mª CCº XLº septimo.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani, qui istam cartam cum bulla nostra iussimus roborare.

Testes sunt: [1ª col.] P. Cornelii maiordomus Aragonum. [2ª col.] Rotlandus Ley, Eximinus Petri. [3ª col.] Berengarius de Tornamira, Ferricius de Liçana.

Sig+num Guillermi de Rocha, scribe, qui mandato domini regis hanc cartam scripsit loco die et anno prefixis.