Noverint universi quod nos Jacobus Dei gratia rex Aragonum, Maioricarum et Valentie, comes Barchinone et Urgelli et dominus Montispesulani, per nos et successores nostros concedimus vobis universis et singulis populatoribus habitantibus et habitaturis in portione quoddam Nunonis Sancii in civitate et villa ac insula Maioricarum et Eviça, et vobis inperpetuum confirmamus, domos, honores, et possessiones quas donatione sive ex assignatione dicti Nunonis, vel procuratorum suorum in predictis locis tenetis habetis et possidetis hodie vel de cetero possidebitis.

Ita ut ea habeatis teneatis possideatis et expletetis ad omnes voluntates vestras perpetuo faciendas, ut melius et pleni forma vestrorum instrumentorum perpenditur, salvo censu nostro iure et dominio et successorum nostrorum.

Revocantes instrumenta inde aliquibus primitus a dicto Nunone vel a procuratoribus eorum comfecta, cum ea dictus N. ad contumatiam illorum penitus revocasset, que instrumenta modo nec in posterum nullum vobis nec vestris in aliquo valeant prejudicium generare.

Data apud Valentiam, IIIIº kalendas octobris anno Domini millesimo ducentesimo quadragesimo secundo.

Signum + Jacobi Dei gratia rex Aragonum, Maioricarum et Valentie, comitis Barchinone et urgelli, et domini Montispessulani.

Huius rey testes sunt, Guillermus de Capraria, Guillrmus de Montecathano, petrus comes Urgelli, Guillermus de Cervilione, Assaltus de Gudallo.

Signum + Guillemoni Scribe qui mandato domini regis, hec scribi fecit loco die et anno prefixis.