In Christi nomine.

Notum sit cunctis quod ego, Ferrandus Perez de Pina, tanquam procurator constitutus in hanc parte per dominum Jacobum, Dei gratia regem Aragonum et regni Maioricarum, comitem Barchinone et Urgelli et dominum Montispesulani, cum hoc publico instrumento dono et stabilio vobis, Raymundo de Pulcromonte et Poncio de Pulcromonte, et Petro Serrat et Arnaldo Rogerio, et Bernardo de Olivella et Bernardo Francia, et omnibus aliis populatoribus et habitatoribus usque ad triginta numerum, et omnibus successoribus vestris imperpetuum, quandam alquaream que est infra terminos castri Peniscole que dicitur Benicastlo, cum omnibus terminis et pertinenciis suis, que afrontat orie[nte] in mare, a meridie in bassa de Foze, que est inter tossal et les figueres, occidente sicut aque vertunt tempore pluviarum ex parte de Calig, a circio in rivo sicco.

Sicut terminatur et affrontatur, dono vobis et stabilio predictis usque ad triginta numerum et omnibus successoribus vestris imperpetuum, ad populandum et habitandum.

Sic igitur alchariam predictam in omnibus ingressibus et egressibus suis, cum pascuis et venacionibus omnibus, et cum erbis et lignis et lignaminibus, cum aquis et terris cultis et hermis, vilariis et nemoribus, cum omnibus cunctis ademprivis ibidem pertinentibus et debentibus pertinere, prout melius et plenius dici scribi et intelligi et excogitari potest, ad vestrum comodum et salvamentum et bonum intellectum vestri et vestrorum.

Ita quod predictam alqueriam vos et vestri deinceps habeatis, teneatis, possideatis et explectetis, secure et potenter et integre, ad bonum forum et modum sive consuetudinem civitatis Cesarauguste in omnibus et per omnia.

Nos predictos populatores et habitatores recepimus in presenti alqueriam predictam, secundum formam superius scriptam, per nos et per omnes successores nostros et per omnes alios predictos populatores et habitatores recepimus in presenti alqueriam predictam usque ad XXXª numerum.

Et promittimus et convenimus bona fide inde esse boni et fideles homines, in omnibus et per omnia per secula cuncta.

Unde ego, Ferrandus Perez, dono vobis predictis cum ecclesiam et furno et fabrica, qui benefficium actingerit ibi vos serviat.

Et aliquis castellanus nec baiulus non posse, nec licitum habeat vendendi aquam, nec illius loci erbam nec terminos, nec mittere aliquod albarra super vos.

Et vos et omnes populatores sitis franchi et liberi ex omni mercaderia, pro mare et terra, de leuda et de peatge, ex directo domini regis, et nullus ausus sit vos pignorare nisi debitor vel fiducia sitis.

Et vos detis decimam et primiciam legaliter pani et vini, et olei, et de canemo, et de lino et de capritis, et agnis, et non de aliquid.

Quod est actum apud Dertusam, XVIIIº kalendas julii, anno Domini millesimo CCº tricesimo sexto.

Sig+num Ferrandi Perez de Pina, qui hec laudo et concedo et firmo. Testes firmare rogo.

Sig+num Trincavelli vicecomitis de Bresis. Sig+num Garcie Perez de Pina. Sig+num Thome Garridelli, testium.

Guillermus Vitalis, notarii publici Dertuse, qui hec scripsit et hic sig+num fecit die et anno prenotatis.

Sig+num Jacobi, Dei gratia regis Aragonum et regni Maioricarum, comitis Barchinone et Urgelli et domini Montispesulani, qui hec concedimus et firmamus ut superius continetur. Apositum mandato domini regis, CCº XXXº septimo in Paniscola.