Noverint universi, quod nos Jacobus Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, per nos et nostros concedimus et indulgemus vobis, universis et singulis hominibus Castilionis Campi de Burriana, presentibus et futuris imperpetuum, quod nos vel nostri nec prior monasterii sancti Vincentii de Valentia, nec sui successores nec aliqui alii, non sogueiemus de cetero unquam aliquo tempore nec sogueiari faciamus hereditates et possessiones vestras quas pro dicto monasterio tenetis in Castilione Campi de Burriana et terminis suis, ad decem solidos regalis pro qualibet jovata, immo sitis inde vos et vestri imperpetuum franchi et penitus absoluti, prout melius dici potest et intelligi ad [vestro] et vestrorum bonum et utilem intellectum.

Datum in Montepesulano, Xº kalendas aprilis anno Domini millesimo CCº LXº [secundo].

[Sig+num Jacobi, Dei gratia] regi Aragone, Maioricarum [et Valencie], comitis Barchinone et Urgelli [et domini Montispesulani].

[Testes huius rei sunt], [1ª col.][G]aucerandi [de] Pinos. [2ª col.] R. za Guardia, Garsias Ortiz de Açagra. [3ª col.] [..... .....], Gomicius de Podio.

Sig+num Petri de Capellades, qui mandato domini regis hec scribi fecit et clausit, loco die et anno prefixis.