Noa Jacobus Dei gratia rex Aragonum Maioricarum et Valencie, comes Barchinone et Urgelli et dominus Montispesulani, per nos et nostros laudamus, concedimus et firmamus omnes donaciones seu particiones factas de domibus et vineis in ravallo Castilionis Burriane, et de muris et portalibus per ipsum ibidem assignatis per Robaldum Voltorasch baiulum Muriveteris, loco et nomine fidelis et dilecti notarii nostri Jacobo de Rocha, sacriste ilerdensis, dechani Valentie, et procuratoris domus et bonorum hospitalis et monasterii sancti Vincencii Valencie.

Mandantes universis officialibus et subditis nostris presentibus et futuris, quod dictas donaciones et paraciones firmas habeant perpetuo et observent, et faciant ab omnibus inviolabiliter observari, et non contraveniant nec aliquem contravenire permitant modo aliquo vel racione, si de nostra confidunt gracia vel amore.

Datum Valencie, XIIIº kalendas marcii anno Domini Mº CCº LXXº primo.

Signum + Jacobi Dei gratia regis Aragone, Maiorice et Valencie, comitis Barchinone et Urgelli et domini Montepesulani.

Testes sunt: [1ª col.] Petrus Ferrandi. [2ª col.] Guillermus de Podio, Hugo de Baucio. [3ª col.] Blaschus Maçe, Albertus de Foix.

Sig+num Michaelis Violeta, qui mandato domini regis hec scribi fecit, loco die et anno prefixis.