Jacobus Dei gratia rex Aragonum, Valentie, Sardinie et Corsice, comesque Barchinone ach sancte romane ecclesie vexillarius, ammiratus et capitaneus generalis.

Fideli nostro Jacobo Andree baiulo in parte regni Valentie, et alii cuicumque baiulo qui pro tempore fuerit in parte predicta. Salutem et gratiam.

Cum nos nunc cum speciali carta nostra ad preces illustris regis Maioricarum, karissimi consanguinei nostri, et supplicationem pro parte proborum hominum et universitatis civitatis Maioricarum nobis factam, indulserimus et etiam de gratia concesserimus quod privilegium perpetue franquitatis dictis civibus Maioricarum, concesse ab illustrissimo domino rege Jacobo, avo nostro memorie recolende observetur eis de cetero perpetuo in dicta parte, et specialiter in locis de Elchio, de Ella, et de Novella, quod ad ius almoxeriffatus et alia, prout in dicta carta bulla nostra appenditia comunita indebitis latius contineri; idcirco vobis et cuilibet vestrum dicimus et mandamus expresse, quatenus predictam concessionis nostre gratiam memoratis Maioricarum civibus, et cuilibet ex eis inviolabiliter observando, et observari in partibus predictis dicte baiulie firmiter faciendo, a petitione predictorum iurium ab ipsis civibus fatienda penitus desistatis, nec ipsos aut aliquem ex eis contra tenorem seu formam dicte franquitatis, et prescripte nostre gratie inquietetis, aut in aliquo molestetis.

Datum Barchinone, tercio idus augusti anno Domini millesimo trecentesimo vicesimo tercio.

Subscript.