Noverint universi, quod nos Jacobus Dei gratia rex Aragonum, Maioricarum et Valencie, comes Barchinone et Urgelli et dominus Montispesullani, cum in donacionibus et statutis recurrendum sit ad donatorem et legis conditorem, ideo ne super donacione a nobis facta episcopo et ecclesie Valencie cathedrali, super cimiteriis et mexquitis sive oratoriis paganorum, possit aut valeat oriri discensio vel alicuius materia questionis, licet contineatur in ipsa donacione quod ecclesia habeat omnes mezquitas et cimiteria ultra duodecim vasa continencia, volumus per nos et nostros, dicimus et in perpetuum consulte et ex certa sciencia interpretamur, quod cimiteria et mezquite omnes magne et parve, que loco sive forma vel similitudine turrium vel fortitudinum in aliquibus locis quibuslibet nostris vel alienis sint, vel eciam si fuerint infra domos vel hortum alicuius ecclesie, episcopus non habeat ipsas mezquitas, oratoria, et cimiteria, sed illi qui eadem oratoria, cimiteria et mezquitas tenent et tenuerint, aut habent vel habuerint, in hortis, campis, vineis, domibus, fortitudinibus, et turrium capitibus et aliis quibuslibet locis et honoribus suis, habeant ipsi et sui ea francha et libera, absque alicuius oneris, cuiucunque condicionis fuerit, gravamine et impedimento, et sine censu, tributo, et servitutis cuiuslibet alterius onere annuo et perpetuo.

Datum Valencie, XI kalendas novembris anno Domini M CC XXX VIII.