Noverint universi, quod nos Jacobus Dei gratia rex Aragonum, Maioricarum et Valencie, comes Barchinone et Urgelli et dominus Montispesullani, per nos et nostros donamus et concedimus per alodium proprium, franchum et liberum, vobis venerabili et dilecto F. Dei gracia episcopo Valencie et vestris successoribus in eadem imperpetuum, quoddam ferreginale ante realum nostrum, quo afrontat partim in reali nostro partim in reali Petri Sancii, et ex parte superiori in margine ferriginalis eiusdem Petri Sancii et in margine antiquo versus Godalaviar, ex parte inferiori similiter in margine vestro, ad habendum tenendum, possidendum, explectandum, cum introitibus, exitibus, afrontacionibus et suis pertinenciis universis, ad dandum, vendendum, impignorandum, alienandum, et ad omnes vestras et vestrorum voluntantes cuicumque volueritis faciendas.

Datum Valencie, tercio kalendas octobris anno Domini Mº CCº XLº secundo.

Sig+num Jacobi, Dei gratia regi Aragonum, Maioricarum et Valencie, comiti Barchinone et Urgelli et domini Montispesullani.

Huius rey sunt testes: [1ª col.] P. comes Urgelli. [2ª col.] G. de Capraria. G. de Montecatheno. [3ª col.] G. de Cervilione. Galcerandus de Urgeo.

Sig+num Guillermi Scribe, qui mandato domini regis hec scripsi fecit, loco die et anno prefixis.