Noverint universi, quod nos Jacobus Dei gratia rex Aragonum, Maioricarum et Valencie, comes Barchinone et Urgelli et dominus Montispesullani, per nos et successores nostros confitemur et in veritate recognoscimus vobis venerabili F. Dei gracia episcopo Valencie et successoribus vestris, imperpetuum, quod vos solvistis nobis ad voluntatem nostram quinque milia bisanciorum argenti pro venditione domorum quas quondam vendidimus, prout in instrumento inde confecto plenius continetur.

Unde cum per vos sit inde nobis satisfactum iuxta velle nostrum, per nos et successores nostros absolvimus vos vel successores vestros imperpetuum, sic quod de cetero nos nec successores nostri non possimus vos vel successores vestros super premissis convenire nec demandare, sed quantum ad hoc facimus vobis pactum de non petendo et nobis et successoribus nostris imponemus perpetuo silencium, et vos et successores vestros inde quitios et absolutus clamamus.

Datum Valencie Xº kalendas januarii anno Domini Mº CCº XLº secundo.

Sig+num Jacobi, Dei gracia regis Aragonum, Maioricarum et Valencie, comiti Barchinone et Urgelli et domini Montispesullani.

Huius rey testes sunt: [1ª col.] P. Ferrandi de Açagra. [2ª col.] Garcia Romei. A. de Gudal. [3ª col.] Eximinus Petri. Ferrando Garcez de Roda.

Sig+num Guillermi Scribe, qui mandato domini regis hec scribi fecit loco die et anno prefixis.