Isti usus infra scripti et consuetudines servantur in villa Perpiniani, et semper fuerunt observati, a tanto tempore citra quo hominum memoria in contrarium non existit.

[1] Et primo: nullus habitator ville Perpiniani dat, nec dare et solvere tenetur, decimam de lana bestiarii sui, ubicumque illud teneat.

[2] Item, nullus habitator Perpiniani tenetur dare de fructibus ovium et caprarum, nisi mediam decimam tantum, loco ubi tenet bestiare, et aliam medietatem Perpiniani.

[3] Item, nullus habitator Perpiniani tenetur dare decimam de pullis, porcellis, ovis, caseis, anceribus, neque de anets, neque de bestiis caballinis nec bovinis, nec asininis, nec de buchs d’abelles.

[4] Item, habitatores Perpiniani non consueverunt dare decimam nec primiciam de blado renadiu, nec de herba que non fuerit seminata, nec de herba seminata que detur bestiario suo, nec de herba que delletur, nec de falbis renadives.

[5] Item, non est consuetum dari decima nec primicia de caulibus seminatis, nec de betis, lautucis, patronillano, ni spinargiis, nec borragiis, nec de porrati, ni d’almols, nec de saffrano, nec de naps, nec de fullacha que colligatur de bladis.

[6] Item, non est consuetum dari decima nec primicia de cucurbitis, citrillis, cucumeribus, mellonibus, bardalagiis, sirigia, alfavega, nec de menta.

[7] Item, non datur decima nec primicia de oliviis, nec de fructibus alborum aliquorum, nec de racemis quos alicui habuerint de ortis suis, nec de arundinibus, nec de lignis que habeantur in nemoribus hominum Perpiniani, seu aliis possessionibus.

[8] Item, non datur decima nec primicia de pestello, nec de aliquibus explets que fiant in marginibus seu marginatis.

[9] Item, est consuetudo quod homines Perpiniani consueverunt, omni tempore, congregare sua expleta in quibuscumque termini, ea habuerint in una area et ibidem solvere terremerita et iura dominis, nec non et decimam et primiciam.

[10] Item, non est consuetum dari decimam nec primiciam de aliquo expleto quos fit in malleolis, per regas inter dictos malleolos, sicut sunt falbe, mil, grua, ceyros, ordi ni froment, celes, scalunyes, batibechs, vel similia, excepto tamen si esset seminatum totum, sicut esset campus; tunc solvatur decima et primicia.