Iacobus Dei gracia rex Maioricarum, comes Rossilionis et Ceritanie et dominus Montispesulani.

Fideli suo Berengario de Sancto Paulo, baiulo Perpiniani. Salutem et gratiam.

Meminimus nos ordinasse quod singulis annis recognoscantur constitutiones seu banna edita Perpiniani, et super illis conferatur inter consulus et baiulum Perpiniani, et si qua sint inutilia vel minus bona, aut irracionabilia vel non expediencia publice utilitati aut cesset causa pro qua constituta fuerunt, corrigantur in melius aut revocentur omnino vel si que sint de novo facienda que respiciant publicam utilitatem fiant.

Unde mandamus vobis quatinus predictam nostram constitutionem servetis et faciatis servari.

Datum in Maioricarum octavo decimo kalendas madii anno Domini millesimo trecentesimo undecimo.