Noverint universi, quod nos Iacobus, Dei gratia rex Aragonum, Maioricarum et Valentie, comes Barchinone et Urgelli et dominus Montispesulani; [1] per nos et nostros damus, concedimus et stabilimus vobis, Jahia Almahiz, Abutinum Abudarecha, Abdalla Alfanequi, Ali Alfanequi, Abucach Alfanequi, Abuiafar Algaccel, Abuiafar Almiguineti, Mahomat Abuezeit, Abdalla Axambra, Galip Adaroez, Jahie Abenraha, Mahomat Abbacar, Abdalla Alcaçes, Mahomet Abdoluzet, et toti aljame sarracenorum presentium et futurorum in ravallo Xative habitantium et habitandorum, et vestris et eorum successoribus imperpetuum, ravalle Xative totum integre, de pariete fovee usque ad alium parietem de Exerea, cum duobus figueralibus qui sunt in costa, et de costa usque ad carreriam maiorem ravalli, cum omnibus domibus que ibi sunt habitatis et populatis, prout assignatum fuit vobis per Eximinum Petri de Arenoso, tenentem locum nostrum in regno Valentie.

[2] Retinemus tamen ibi nobis et nostris imperpetuum, carniceriam, tintoreriam balnea, furnos, operatoria, et omnia alia iura censualia.

[3] Et volumus quod vos predicti sarraceni et successores vestri, possitis eligere et pñonere alcadi inter vos quem volueritis, qui iudicet et determinet causas vestras, et quod possitis illum mutare si bene et fideliter non se habuerit in officio antedicto.

[4] Item, volumus quod aliquis sarracenus vel sarracena non possit appellare de sententiis latis per dictum alcadi cum consilio çalmedine et alamini, et aliorum proborum hominum aljame, nisi tantum ad nos vel ad alium alcadi sarracenorum, secundum legem vestram.

[5] Concedentes vobis quod habeatis meçquitas vestras et cimiteria; et çabaçallanos qui doceant filios et pueros vestros, et possint preconizari in meçquitis vestris prout est consuetum inter sarracenos.

[6] Item, volumus quod habeatis quatuor sarracenos addelantatos, quos inter vos eligere voueritis, qui custodiant et manuteneant vos et res vestras ac iura vestra.

[7] Retinemus etiam nobis et locum nostrum tenentibus, quod possimus assignare et dare vobis alaminum et çalmedina quos voluerimus. Qui alaminus colligat et percipiat iura nostra ravalli predicti. Et qui çalmedina faciat iustitias et districtus inter vos, excepta tamen morte hominum; et quod dictus çalmedina ponat exortinos quoscumque ponere voluerit ad iustitiam exercendum.

[8] Item, volumus quod alhafiç et captiones hominum sint in ravallo predicto, et quod çalmedina teneat alhafiç supradictum et habeat decimam partem caloniarum pro labore suo. Prohibentes firmiter quod aliquis christianus non intret aliquam domum sarracenorum pro aliquo pignore faciendo, nisi cum alamino vestro.

[9] Et quod omnes sarraceni gubernentur pro alcadi et adelantatos vestros.

[10] Et concedimus vobis quod possitis emere domus, hereditates et alia quemlibet bona a quibuslibet personis, et possitis vendere domos et hereditates vestras, habitas et habendas, vestris consimilibus sarracenis, et non christianis.

[11] Statuentes quod si aliquis christianus conqueratur de sarraceno, recipiat iustitie complementum in posse çalmedine vestre, secundum Çuna sarracenorum.

[12] Item, enfranquimus vos omnes sarracenos, presentes et futuros, ravalli predicti, quod non teneamini dare aliquem censum vel servicium ven tributum, nobis vel nostris successoribus, hinc ad duos annos continue completos, nisi pro morte hominum vel pro furto aut rapina.

[13] Item, volumus quod si aliquis sarracenus alium interfecerit sarracenum, quod ille interfectos capiatur et si ad mercedem nostram, et alii sarraceni non admitant aliquid de bonis eorum ratione homicidii facti.

[14] Et volumus quod si aliquis sarracenus captivus vel sarracena fugerit de potestate domini sui et fuerit inventus in dominus alicuius sarraceni, quod capiatur ille captivus et extrahatur de domo illa et reddatur domino suo, set ille in posse cuius vel domo inventus fuerit non habeat inde aliquam penam vel sustineat in persona vel rebus suis.

[15] Statuentes