Inocentius episcopus servus servorum Dei. Carissimo in Christo filio illustri regi Aragonum. Salutem et apostolicam benedictionem.

Dilectum filium magistrum Girardum, dictum de Ungaria, phisicum, civem Parmensis, fratrem dilecti filii magistri Alberti, notarii nostri, ad presentiam tuam personaliter accedentem, magnitudini tue propensius commendamus serenitatem regiam attente, rogantes quantinus attendens benignitatis affectum quo clare memorie Colomannus, rex Ruthenorum, cognatus tuus, postquam idem Girardum ipsius ac recolende memorie Andrei, patris, et postmodum carissimi in Christo nostri Bele, fratris eiusdem Colomanni, Ungarie regum illustrium, se deputavit obsequiis extitit prosecutus.

Propter quod honori tuo convenire indetur ut eum et leto vultu respitias et sincere dilectionis brachiis amplexeris eum pro nostra et Apostolice Sedis reverentia et consideratione predicti notarii, qui honoris et glorie tue zelatur augmentum, necnon et ob recolendam memoriam regis eiusdem magnificentie tue dextera prout regalem decet excellentiam dignis favoribus prosequaris, preces nostras in hac parte taliter admissurus, ut idem eas sibi sentiat fructuosas nosque id gratum habentes celsitudinem tuam proinde merito commendemus.

Datum Lugdunum XII kalendas martii pontificatus nostri anno octavo.