In Christi nomine.

Sit notum cunctis quod nos Iacobus, Dei gracia rex Aragonum, comes Barchinone et dominus Montispessulani, volentes semper nostros subditos possessionibus et hereditatibus competenter ampliare et beneficiis decoratos perpetuis retinere, corde bono et animo volenti, per nos et omnes successores nostros, cum hac presenti scriptura perpetuo valitura, damus et pro aldeia tradimus et concedimus vobis, fidelibus nostris universis hominibus de Daroce, presentibus et futuris, et toti concilio vestro et omni progeniei et posteritati vestre, imperpetuum, castrum et villam de Monte Regali, cum furno et cum tota hereditate quam in dicta villa eius sive terminis habemus et habere debemus, et cum omnibus terminis et pertinentiis suis, heremis et populatis, cum terris cultis et incultis, cum montibus et planis, silvis, garricibus, nemoribus, cum aquis et pascuis et cum omnibus omnino aliis qui ad ipsum castrum et villam de Monte Regali pertinent et pertinere debent aliquo iure, aliquo modo aut aliqua ratione vel causa.

Habeatis inquam vos et omnes successores vestri dictum castrum et villam de Monte Regale paciffice, et teneatis potenter et possideatis et explectetis tanquam aldeiam vestram propriam secundum formam et dominacionem, et forum et consuetudinem, quibus habeatis et teneatis alias aldeias vestras a nostris predecessoribus vobis et vestris datas et concessas hactenus ullo modo.

Datum apud Fragam, VIIIº kalendas aprilis sub era Mª CCª Lª nona, per manum Petri Sancii, notarii nostri, et ipsius mandato a Berengario de Parietibus scripta.

Signum + Iacobi, Dei gracia regis Aragonum, comitis Barchinone et domini Montispesulani.

Huius rei testes: Latronus. Guillelmus de Cervaria. Blascus de Alagon, maiordomus Aragonie. Ato de Focibus. Raymundus de Montecateno. Bernardus Guillelmi. Guillelmus de Cervilion. Garssias Petri de Meitat. Rotlandus Layni. Petrus de Alcalano. Sancius de Orta.

Ego Petrus Sancii, domini regis notarius, mandato ipsius hec scribi feci loco, die et anno prefixis et hoc sig+num feci.