Manifestum sit omnibus quod nos Iacobus, Dei gracia rex Aragonum et regni Maioricarum, comes Barchinone et dominus Montispesulani, attendentes multa et grata et utilia ac honorabilia servicia que vos, dilecti noster A. de Focibus, nobis multipliciter et fideliter fecistis, cum presenti carta nostra donamus, laudamus atque concedimus vobis toto tempore vite vestre castrum et villam de Alqueçar, (ilegible), Bespen Tramacet et Oson. Castra videlicet et villas cum hominibus et feminis habitantibus et habitaturis et cum omni dominio, sennorivo et potestate nostra et cum peytis, questiis, toltis, forciis, peditis, cenis, hostibus et cavalcatis earumque redemptionibus, cum succursu et serviciis, usibus et consuetudinibus, et cum terminis et vetatis, lignis, aquis et herbis, pascuis, intratibus et egressibus et iuribus et pertinenciis et melioramentis factis et faciendis et cum omnibus omnino et singulis que nos in predictis castris et villis habemus vel habere debemus aliqua ratione vel causa; nichil in predictis locis, in omni vita vestra, nobis modo aliquo retinentes.

Que castra et villas, cum possessionibus universis et cum omnibus superius expressis aut non expressis ad eas pertinentibus, habeatis, teneatis, possideatis et expletetis et redditus omnes fructus et proventus quoslibet colligatis et percipiatis vos et qui vos volueritis per manum vestram, et faciatis ex eis toto tempore vite vestre omnes vestras proprias voluntates, sicut melius dici potest, ad utilitatem et bonum intellectum vestrum.

Promitentes vobis bona fide (ilegible) fraudis remoto ingenio quod prefata castra et villas cum earum pertinentiis, pro ut superius continetur, vos habere et tenere et expletare pacifice faciemus, nec contra hec veniemus vel venire aliquatenus faciemus, nec de predictis locis vel eorum redditibus aliquid tangemus vel accipiemus, nec tangi vel accipi faciemus nec sustinebimus in eis vobis inferri molestiam aliquatenus vel gravamen.

Retinemus tamen quod si forte intrare ordinem vos contingat, teneamini nobis servicium exhibere et facere quandocumque exercitum fecerimus contra mauros,

secundum quantitatem caballariarum locorum omnium predictorum.

Post dies vestros, predicta castra et ville, cum earum pertinentiis et melioramentis omnibus, nobis et nostris libere et sine omni omnino gravamine revertantur.

Datum apud Saragnnenam, VIIIº idus februarii era Mª CCª LXXª prima.

Signum + Iacobi, Dei gracia regis Aragonum et regni Maioricarum, comitis Barchinone et domini Montispesulani.

(1ª col.) Testes huius rei sunt: F[errandus], infans Aragonum. B. de Alagone. R. de Liçana. (2ª col.) Blascus Maça. P. Cornelii. Vallesius de Bergua. B. Guillelmi. (3ª col.) S. de Podyo. S. de Orta. Gartia de Orta. P[etrus] Petri, iusticia.

Sig+num Petri Iohannis, scriptoris, qui mandato domini regis et P. Sancii,

notarii sui, hoc scripsit loco, die et era prefixis.