ABC

Quia super limitibus Cathalonie et Aragonum, licet immerito, a quibusdam minus sane intelligentibus de facto posset dubitatio suboriri, nos itaque Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispessulani, qui voluntarios labores apetimus, volentes in hac parte omnem disceptacionis materiam amputare, ut omnis scrupulus a cordibus hominum penitus perpetuo subtrahatur, etiam predecessorum nostrorum vestigiis inherentes, comitatum Barchinone cum Cathalonia universa a Salsis usque Cincham ex certa sciencia limitamus.

Licet limitatio ipsius comitatus et Cathalonie predicte, per pacis et treugue ordinaciones in civitate Barchinone et Terrachone et eciam alibi factas, colligi poterat evidenter.

Regnum autem et terram Aragonum a Cincha usque ad Ferizam constituimus et sic volumus limitari, ne ab ista die in antea racione dictorum limitum, aliqua questio inter aliquos oriatur.

Predictam itaque limitacionem per nos et nostros habere volumus perpetuam et inviolabilem firmitatem.

Datum Barchinone, XIIº kalendas februarii anno Domini Mº CCº XLº tercio.

Signum + Iacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] P. Terrachone archiepiscopus. B. vicensis episcopus. P, dertusensis episcopus. [2ª col.] Frater Ugo castellanus Emposte. G. de Mongri sacrista Gerunde. P. comes Urgelli. G. de Montecatheno. [3ª col.] P. de Montecatheno. B. de Sancta Eugenia. Berengarius de Angularia. G. de Cervera. [4ª col.] Berengarius Gerardi. Iacobus Grunni. M. de Plicamanibus. G. de Lacera.

Sig+num Guillelmi Scribe, qui mandato domini regis hec scribi fecit loco, die et anno prefixis.