Noverint universi quod nos Iacobus, Dei gratia rex Aragonum, Maioricarum et Valentie, comes Barchinone et Urgelli et dominus Montispesulani, per nos et nostros concedimus et indulgemus vobis, universis hominibus omnium et singularum aldearum Daroce, presentibus et futuris, imperpetuum, quod nunquam de cetero teneamini peytare nec aliquam questiam vel peytam nec cenam vel redemptionem cene dare simul cum hominibus ville Daroce, presentibus vel futuris.

Ita tamen quod per vos semotum ad dictis hominibus ville Daroce detis nobis et nostris annuatim, in perpetuum, in festo sancti Michaelis septembris, decem mille solidos iaccensium; et hoc faciendo non teneamini vobis vel vestris unquam dare aliquam questiam, peytam neque cenam vel redemptionem cene nec aliquam fazendariam, excepta fonsaderia sive exercitus redemptionem et excepto monetatico et quinta que dictis quandocumque et cocienscumque dabunt ea alii homines terre nostre; nec teneamini in aliquo respondere iudici, iuratis, iusticiis, alcaldis, andatoribus, exorciis, sagionibus nec aliquibus aliis officialibus Daroce, presentibus vel futuris, neque eis aliquod servicium facere ullo modo.

Concedimus etiam vobis quod in unaquaque predictarum aldearum positis inter vos eligere duos iuratos de eadem aldeam, qui iurati mutent de anno in annum et, cum officium illud receperint, iurent quod fideliter custodiant iura nostra et utilitatem omnium vicinorum suorum sive aldearum pro posse suo.

Item, concedimus vobis quod nullus de cetero possit vel audeat pignorare vel marquare vos vel aliquem vestrum vel res vestras aliqua culpa, querella vel debito hominum Daroce, nec nos eis teneamini in aliquo respondere; et quod possitis omnes in simul habere et elligere unum scriptorem qui scribat pro vobis omnes tallias quas feceritis sive collectas, qui scriptor eum officium predictum susceperit iuret coram vobis omnibus quod fideliter se habeant in officio memorato.

Datum apud Corbera, II kalendas madii anno Domini Mº. CCº. quadragesimo octavo.

Signum + Iacobi, Dei gratia regis Aragonum, Maioricarum et Valentie, comitis Barchinone et Urgelli et domini Montispessulani.

Huius rei testes sunt: A. de Luna. Eximinus de Focibus. Guillelmus de Cervilione. Iaufridus de Rochabertino. Galcerandus de Pinos.

Sig+num Petri Andree, qui mandato domini regis pro Guillermo Scriba, notario suo, hec scripsit loco, die et anno prefixis.