Noverint universi quod nos Iacobus, Dei gracia rex Aragonum, Maioricarum et Valencie, comes Barchinone et Urgelli et dominus Montispesulani, attendentes multa et grata servicia que vos, venerabile et dilecte noster G., per eandem tirasonensis episcope, nobis fecistis et cotidie facere non cessatis, ideo ex mera liberalitate nostra, in remuneracione dictorum serviciorum damus et concedimus per nos et nostros et de presenti tradimus vobis, predicto episcopo, Villam Felig cum peytis, cenis, caloniis et iusticiis civilibus et criminalibus, exercitibus et cavalcatis et eorum redempcionibus et omnibus aliis et singulis regalibus exaccionibus et iuribus, que nos in predicta villa et ab hominibus et feminis ibi habitantibus et habitaturis habemus vel habere aut percipere debemus quolibet modo vel qualibet racione, ad habendum, tenendum, possidendum et expletandum integre et in pace dum vobis fuerit vita comes; ita tamen quod statim post obitum vestrum predicta villa cum omnibus pertinenciis suis nobis et nostris, libere et sine impedimento aliquo revertatur.

Datum Tirasone, III idus aprilis anno Domini Mº. CCº. Lº. tercio.

Signum + Iacobi, Dei gratia regis Aragonum, Maioricarum et Valentie, comitis Barchinone et Urgelli et domini Montispesulani.

Testes sunt: Garsias Romei. Artaldus de Focibus. Bernardus Guillelmi de Entença. G. de Podio. Bertrandus de Ahones.

Sig+num Petri Andree, qui mandato domini regis … hec scribi fecit loco, die et anno prefixis.